HOSEA 6:3 - Lai (Hakha) Common Language Bible 2006

³ Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

HOSEA 6:3 ပူးပေါင်းရင်းမြစ်များ

2 SAMUEL 23:4

Khuadawm a thiangmi zing i a hung ceumi ni bantuk, Zinglei ceunak bantuk khin annih cungah a rung ceu, Vawlei in ram a khohtertu ruah bantuk a si.

JOB 29:23

Ka bia cu ruah an hngah bantukin an hngah i, Ṭhal ruah an din bantukin an din

SALM 19:4

asinain an aw cu vawlei khuazakip ah a thang i an bia cu vanhramdeng a phan. Bawipa nih ni cu van ah khin thlam a sakpiak i

SALM 19:6

Vanhramdeng khattelei khin aa thawk i khattelei ah a kal. A linhnak in aa thup khomi thil zeihmanh an um lo.

SALM 63:8

Nangmah kha kan tlaihchan i na kut nih him tein an ka umter.

SALM 65:9

Ram cu na dawt caah a cungah ruah na surter; na rumter i a vawlei na ṭhatter. A chung i na umtermi tiva cu an kao bal lo, cu tiva hna nih cun rawl a phunphun an chuahter — cucu nangmah tuahmi a si.

SALM 72:6

Siangpahrang cu lo a surhtu ruah bantuk si seh law vawlei a cawmtu ruah bantuk si seh.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

ISAIAH 32:15

Asinain Pathian nih voi khat cu a thlarau kha a kan thlahhnawh ṭhan lai. Zeihmanh a ṭhahnem lomi hmun kha vawlei ṭha ah a cang ṭhan lai i lo chungin rawl tampi a chuak ṭhan lai.

ISAIAH 44:3

“Ti a halmi ram kha ti ka pek lai i thetse ram ah khan tiva ka luanter hna lai. Nan tefa cu ka lianhngannak ka toih hna lai i nan ciruang cu ka thluachuahnak ka toih hna lai.

ISAIAH 5:6

Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.

ISAIAH 54:13

“Keimah hrimhrim nih na mi cu ka cawnpiak hna lai i ṭhanchonak le daihnak ka pek hna lai.

JEREMIAH 24:7

Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir ṭhan lai caah annih cu ka mi an si lai i kei cu an Pathian ka si lai.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

HOSEA 10:12

Annih cu ka thawh hna i, “Nan caah dinnak kha i tuh u law keimah lei i nan ṭannak nih a chuahpimi thluachuahnak kha zun tuah u. Nan dinhtermi vawlei kha ṭuan cang hna u, Zeicahtiah atu cu Bawipa keimah leiah i mer caan a si cang i ka ra lai i thluachuahnak kan pek hna lai,” tiah ka ti.

HOSEA 14:5

Israel caah cun dap bantuk ka si lai i lili pangpar bantukin a par lai. Phaizawng kung bantukin hram a thla lai i

HOSEA 14:6

a nge nono kha an corh hluahmah lai; Oliv thing bantukin aa dawh lai i Lebanon tlang bantukin a rim a hmui lai.

HOSEA 2:20

Ka biakam kha ka zulh lai i nangmah cu keimah ta ah kan ser lai i nang zong nih na Bawipa ah na ka ser lai.

MIKAH 4:2

“Ra u law Bawipa tlang ah cun kai hna u si, Jakob Pathian inn ah cun kal hna u si, Kannih cu a lam kha kan cawnpiak seh law A lam cu kannih nih zul u si,” an ti lai. Zeicahtiah cawnpiaknak cu Zion in a chuak i, Bawipa bia cu Jerusalem khua in a ra;

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MIKAH 5:7

Israel mi chungin a tangmi hna cu, Bawipa sinin a rung tlami dap le ramhring cung i a rung surmi ruahpi bantuk an si lai; Annih nih cun minung kha i bochan loin Pathian kha an i bochan lai.

ZEKHARIAH 10:1

Bawipa cu fur caan ah ruah hal u law ṭhal caan ah ruah hal tuah u, Ṭotho khuadawm a sertu Bawipa nih nannih cu ruah kha an pek hna lai i Nan lo cio ah ramhring kha an pek hna lai;

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

LUKA 1:78

Zeicahtiah, kan Pathian cu zaangfah thiammi le minunnem a si: Khamhnak khuaceu ṭha cu kan cungah a tlunter lai i

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.

DEUTERONOMI 32:2

Ruah bantukin keimah cawnpiaknak cu sur seh law, Ka bia cu dap bangin tla seh, Ram no cung i chum a sur siahmah bantuk le Chawl borh cung i ruahti a tlami bantuk siseh.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.