HOSEA 5:6 - Lai (Hakha) Common Language Bible 2006

⁶ Bawipa sin i raithawi awk caah an tuu hna le an caw hna kha i put hna hmanh seh law zeihmanh san a tlai lo; A kaltak cang hna caah amah cu an hmu kho lo.

HOSEA 5:6 ပူးပေါင်းရင်းမြစ်များ

EXODUS 10:9

Moses nih cun, “Kan dihlak in kan kal lai, kan ngakchia hna he, kan tar hna he, kan fapa hna he ka fanu hna he, kan tuu hna he kan meheh hna he kan caw hna he kan kal lai, zeicahtiah Bawipa sinah biaknak puai kan ngeih awk a herh,” a ti.

PHUNGTHLÛKBIA 1:28

Khi tikah cun an ka auh lai, sihmanhsehlaw ka let hna lai lo; An ka kawl len lai, sihmanhsehlaw an ka hmu lai lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

SOLOMON HLA 5:6

Ka dawtte cu innkhar hunpiak tuan kar hlanah, A khoi ah hen hnulei hertak in, lam dang a tlai cang ai rua. Tuar kho hlah ing kan ṭian zawn ah cun, kawl len hmanh ning ka hmu kho ti lo, Au len zong nih lehrul um ti lo.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

JEREMIAH 11:11

Cucaah Bawipa nih hi bangin a ti: Atu cu an luat khawh lomi ṭhat lonak kha an cungah ka tlunter lai; an ka au lai nain annih cu ka ngai hna lai lo.

JEREMIAH 11:14

Cucaah Jeremiah, hi mi hna caah hin thlacam hlah, anmah aiawh zongin aunak siseh, nawlnak siseh, tuah hlah, zeicahtiah an harnak caan i an ka auh tikah ka ngai hna lai lo,” tiah a ti.

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 7:4

Nannih nih nan i thawh i, ‘Hi hmun hi Bawipa biakinn a si,’ Bawipa biakinn a si, Bawipa biakinn a si,’ tiah nan ti lengmang,’ hi bia lih a simi hi i bochan hlah u.

ṬAHNAK HLA 3:44

Khuadawm pinah khin, kan thlacamnak nih a phak lengah khin naa thup;

EZEKIEL 8:18

annih cu ka thinhun in ka merhnawh hna lai i ka zaangfah hna lai lo i ka zuah fawn hna lai lo. Thang piin ka au hna hmanh seh law ka ngai lai lo,” tiah a ti.

EZEKIEL 8:6

A ka thawh i, “Mipa, zeidah an tuah kha na hmu maw? Hika ah Israel mi nih an tuahmi fihnung ṭeifiak nih keimah cu ka hmunthiang khan lamhlatpi ah a ka dawi i cu bantuk fihnung cu na hmuh chin lengmang ko rih hna lai,” tiah a ti.

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

AMOS 8:12

Mi cu Bawipa bia kawl ah rili in rili tiang an kal lai i Chaklei in nichuahlei tiang an kal lai, Sihmanhsehlaw an hmu lai lo.

MIKAH 3:4

Khi tikah Bawipa kha an auh lai, sihmanhsehlaw a let hna lai lo; khi caan a phak tikah a hmai kha a thuhkanh hna lai, zeicahtiah an tuahmi kha a ṭhalo tuk hringhran.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

LUKA 5:16

Hnathiannak hmun ah khan a kaltak tawn hna i khika ah khan thla a va cam tawn.

JOHAN 7:34

Nan ka kawl lai, sihmanhsehlaw nan ka hmu lai lo, zeicahtiah ka umnak dingah cun nannih cu nan ra kho lai lo,” tiah a ti hna.