HOSEA 5:2 - Lai (Hakha) Common Language Bible 2006

² Shittim i cawhmi khor thuk ah nan i cang cang; Sihmanhsehlaw nan dihlak in dan kan tat ko hna lai.

HOSEA 5:2 ပူးပေါင်းရင်းမြစ်များ

ISAIAH 1:5

Zeicahdah nan puar chin lengmang ko? Fak chinchin in dantat maw nan duh? Israel mi hna, nan lu cu hma a khat i nan lungthin le nan ruahnak cu a zaw.

ISAIAH 29:15

Bawipa nih hmu hlah seh, tiah an khuakhannak a thupmi hna cu an lo cang. An i timhmi cu a thli tein an ṭuan i, kan tuahmi cu ahohmanh nih an hmu lai lo i an hngal lai lo, tiah an ruah.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

JEREMIAH 6:28

An dihlak in midohhmang, milungkhong, Mi congoih i a vak lengmangmi an si.

HOSEA 4:2

Chiatser in biakamnak kha an tuah, sihmanhsehlaw an zul lo, an i that, an i ramh; va cung pa duhnak le zaang-ennak le i thahnak le i nawnnak lawng kha a si ko.

HOSEA 6:5

Cucaah nan cung i biaceihnak bia le rawhralnak bia a chimtu ka profet cu kan thlahhnawh hna. Ka mi nih tuah hna seh tiah kan duhmi hna cu a fiang i a tliang ko:

HOSEA 6:9

Damiah nih mi an bawh hna bantukin, Shekhem khua lei i a kalmi hna kha thah awkah tlangbawi hna cu an i pum. An tuahmi cu a ṭhalo tuk hringhran.

HOSEA 9:15

Ṭhat lonak an tuahmi vialte kha Gilgal in aa thawk, Huat hram ka thawh hnanak cu khika khan a si. Ṭhat lonak an tuahmi ruangah khan ka ram chungin ka dawi hna lai. Annih cu ka daw ti hna lai lo, an hruaitu hna nih an dihlak in an ka ral.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.