HOSEA 5:15 - Lai (Hakha) Common Language Bible 2006

¹⁵ Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

HOSEA 5:15 ပူးပေါင်းရင်းမြစ်များ

GENESIS 42:21

Pakhat le pakhat kha, “Kan nau cung i ṭhat lonak kan rak tuah kha kan rak palh taktak; ka bawm ko sawh u tiah a rak kan nawl i a harnak kan hmu ko na i a bia kan rak theih duh lo kha! Kha ruangah khan atu harnak kan phak hi a si,” tiah an i ceih.

2 CHANRELNAK 7:14

ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.

JOB 33:27

Cun mi vialte hmaiah, ‘Ka sual cang, Dinnak kha dinlonak ah ka ser cang i cucu ka rak ruat bal lo,’ a ti ahcun,

SALM 107:13

Cu bantuk harnak chung cun Bawipa cu an auh i an temhinnak chung cun a khamh hna.

SALM 107:19

An harnak chungin Bawipa kha an auh i temhnak an inmi chung cun a khamh hna.

SALM 107:28

An harnak chung khan Bawipa cu an auh i an temhinnak chung khan a khamh hna.

SALM 107:6

An harnak chung cun Bawipa kha an auh i an harnak chung khan a khamh hna.

SALM 132:14

Aa thawh i, “Hika hi zungzal ka umnak a si lai; hika hmun hi ka uknak ka chiahnak hmun ca i ka duhmi a si.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 78:34

Sihmanhsehlaw a cheu a thah hna tikah khan, a cheu cu amah leiah an i mer ve; an i ngaichih i amah sinah thla fak piin an cam.

SALM 83:16

Maw Bawipa, na min lianngan kha an phuan hlantiang, ningzahnak cu an lu cungah khinh luaimai ko hna.

PHUNGTHLÛKBIA 8:17

A ka dawmi cu ka dawt hna i fel tein a ka kawlmi nih cun an ka hmuh.

ISAIAH 18:4

Bawipa nih a ka thawh i, “Rawlṭuan caan khualum ah daite in dap cu aa ser i chun laicer ah ni cu dawh ngaiin a tlan bantukin, vancung khin ka run in zoh hna lai.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

ISAIAH 26:21

Vawleicung mi kha an sual ruang i dantat awkah Bawipa cu a rung ṭum lai. Vawlei cungah a thli tein lainawnnak an tuahmi kha a puang dih lai i an thahmi hna kha vawlei nih a thup ti hna lai lo.

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

JEREMIAH 3:14

Maw zumh awk tlak lo fale hna, ra kir tuah u, tiah Bawipa nih a ti; Zeicahtiah keimah cu nan Bawipa ka si; Nanmah cu khua khat chungin pakhat, innchungkhar pakhat chungin pahnih in kan lak hna lai i Zion ah kan kalpi hna lai.

ṬAHNAK HLA 3:40

Kannih nih kan lam kha zoh ṭhan hna u si law, hneksak hna u si law Bawipa sinah kir ṭhan u sih;

EZEKIEL 10:4

Bawipa sunparnak cu cherubim hna cung cun a tho i sangpi ah a kai i tual leiah cun a kal; cun biakinn chungah cun minmei cu aa zel i Bawipa sunparnak ceu nih cun a tual cu a ceuh.

EZEKIEL 11:23

Bawipa sunparnak cu a tho i khuapi chung khan a chuak i khuapi nichuahlei i a ummi tlang cungah khan a dir.

EZEKIEL 20:43

Khika ah nannih nih hlanlio nan umtuning le nan i thurhhnawmhnak thil ṭhalo vialte kha nan hngalh hna lai i thil ṭhalo nan rak tuahmi vialte ruangah khan nan i fih lai.

EZEKIEL 36:31

Nan ziaza ṭhalo le nan tuahsernak a ṭha lomi kha nan i hngal ṭhan lai i nan ṭhat lonak le fihnung nan sinak ruangah khan nanmah le nanmah nan i fih lai.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

EZEKIEL 8:6

A ka thawh i, “Mipa, zeidah an tuah kha na hmu maw? Hika ah Israel mi nih an tuahmi fihnung ṭeifiak nih keimah cu ka hmunthiang khan lamhlatpi ah a ka dawi i cu bantuk fihnung cu na hmuh chin lengmang ko rih hna lai,” tiah a ti.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

HOSEA 5:6

Bawipa sin i raithawi awk caah an tuu hna le an caw hna kha i put hna hmanh seh law zeihmanh san a tlai lo; A kaltak cang hna caah amah cu an hmu kho lo.

MIKAH 1:3

Zohhmanh, Bawipa cu a umnak hmun khan a chuak i a rung ṭum i vawleicung tlang sang hna cungah khan aa chawk.

NAMBAR 21:7

Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.

LUKA 13:25

“Inn ngeitu cu a tho lai i kutka cu a khar lai; cun nannih cu a leng i nan dir i kutka khar cu nan kingh i, ‘Bawipa, innka kan hunh tuah,’ nan ti tikah, ‘Khuazei in dah nan rat kha ka hngal lo,’ tiah an leh hna lai.

BIACEIHTU 4:3

Khi tikah Israel mi nih Bawipa cu bawmhnak hal in an auh; zeitintiah Jabin nih thir rangleng za kua a ngei i Israel mi cu kum kul chung fak piin a hrem hna.