HOSEA 5:13 - Lai (Hakha) Common Language Bible 2006

¹³ Israel nih zeitluk in dah ka zawt ti kha aa hngalh i Judah nih a hma kha aa hmuh tikah, Israel cu siangpahrang ngan kha bawmhnak va hal awkah Assiria ah a kal, Sihmanhsehlaw a damter kho hna lo i an hma zong a damter kho lo.

HOSEA 5:13 ပူးပေါင်းရင်းမြစ်များ

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 16:7

Cucaah Ahaz nih Assiria siangpahrang Tiglath-pileser sinah khan lamkal a hei thlah hna i, “Keimah cu na sal le na fapa ka si. A ka tutu siangpahrang le Israel siangpahrang kut chung hin, hung law ra ka chanh tuah,” tiah a ti.

ISAIAH 3:7

Sihmanhsehlaw anih nih a thawh hna lai i, “Kei cu si hlah ning. Kan bawm kho hna lai lo. Rawl zong puan zong ka ngei ve lo. Nan haotu ah cun ka ser hlah u,” tiah a leh hna lai.

JEREMIAH 30:12

Hi bia hi Bawipa nih Zion sinah a chimmi a si: Na hma cu damh khawh ding a si ti lo i Tuknak na inmi cu a fak ngaingai ko.

EZEKIEL 23:5

Oholah cu keimah ta a si ko nain hlawhhlangnu kha aa celh i a duhtu Assiria mi hna,

HOSEA 10:6

Siasal cu Assiria ah kalpi a si lai i Uktu Siangpahrang ngan cu laksawng ah va ṭhenh a si lai; Efraim cu ningzahnak nih a phak lai i Israel mi nih an nawl ngaih lonak ningzahnak kha an in lai.

HOSEA 12:1

Efraim cu a tuurun thli menmen a simi kha a khal i Amah cu chun nitlak in nichuahlei thil a dawi lengmangmi kha a si; Assiria he khan biakamnak kha a va ser i Izipt ram ah khan laksawng chiti kha a vun phorh.

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

HOSEA 2:7

A duhtu kha a dawi hna tikah a phan a phan hna lai lo, A kawl hna tikah a hmu hna lai lo; Cu tikah aa thawh lai i, “Ka va sinah khan ka kir ṭhan lai, amah sin i ka rak um ah khan atu nakin ka caah a ṭha deuh,” a ti lai.

HOSEA 7:11

Efraim hi laileng hrutte a si, Atu ah Izipt kha a vun auh, atu lila ah Assiria leiah khan aa mer ṭhan.

HOSEA 8:9

Ramlak i a lemi laa bantukin an lung a ṭhawng i anmah tining lawngin kal an duh. Assiria kha bawmhnak va hal awkah an kal. Israel mi nih hin huhphenhnak hmuh awkah, miphun dang sinah khan an i zuar cang.

MIKAH 1:9

Samaria cu a hma kha a dam kho ti lo; Judah zong cu bantuk hma cu a ing ve lai; Rawhralnak cu ka mi an umnak Jerusalem khua kutka kha a phan cang.