HOSEA 4:7 - Lai (Hakha) Common Language Bible 2006

⁷ Tlangbawi nan tam chin lengmang paoh ah ka cung i nan sualnak kha a tam chin lengmang ve. Upatnak nan hmuhmi cu ningzahnak ah ka canter lai.

HOSEA 4:7 ပူးပေါင်းရင်းမြစ်များ

EZRA 9:7

Kan pupa hna chan in nihin tiang mawhnak nganpi kan tuah lengmang ko; cun kan ṭhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

HOSEA 10:1

Israel mi cu tlai a duh ngaimi phun mitsur ruang bantuk an si, A thei tam deuh a hung tlai paoh ah biakṭheng zong kha tam deuh an sak ve, An vawlei nih tam deuh a chuahter paoh ah an biakmi tung thiang kha dawh deuh in an ser ve hna.

HOSEA 10:6

Siasal cu Assiria ah kalpi a si lai i Uktu Siangpahrang ngan cu laksawng ah va ṭhenh a si lai; Efraim cu ningzahnak nih a phak lai i Israel mi nih an nawl ngaih lonak ningzahnak kha an in lai.

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

HOSEA 4:10

Annih nih an co awk a simi raithawinak sa kha an ei tikah an rawl a ṭam ṭhiamṭhiam ko lai. Tefa ṭha ngeihnak pathian kha an biak, sihmanhsehlaw keimah kha kaltak riangmang in pathian dang kha an zulh hna caah fa an ngei hlei lai lo,” tiah a ti.

HOSEA 5:1

Nannih tlangbawi hna, hihi thei tuah u; Nannih Israel mi hna, hihi ngai tuah u. Nannih siangpahrang innchungkhar mi hna, ka bia hi i chingchiah tuah u. Nannih cu midang kha bia a ceihtu ding nan si, Sihmanhsehlaw biaceihnak kha nanmah cungah a tlung lai. Nannih cu Mizpah i chiahmi rap le Tabor tlang i chiahmi sur rap le

HOSEA 6:9

Damiah nih mi an bawh hna bantukin, Shekhem khua lei i a kalmi hna kha thah awkah tlangbawi hna cu an i pum. An tuahmi cu a ṭhalo tuk hringhran.

HOSEA 9:11

Israel sunparnak cu va bangin a zuang lai i Annih nih fa an hring ti lai lo; Pumlawnglo in a ummi nu an um ti lai lo i fa pawi zong an um ti lai lo.

HABAKKUK 2:16

Upatnak si loin ningzahnak in khuh nan si ve lai, nanmah zong cu zuri sawn in nan sawn ve lai. Bawipa nih nan dantatnak hrai kha an dinter hna lai i nan thangṭhat upatnak kha ningzahnak ah a cang lai.

MALAKHI 2:9

Cuticun nannih nih ka lam cu zeihmanh ah nan rel lo i cawnpiaknak nan tuahmi ah khan duhdanhnak nan ngeih caah kei zong nih midang mithmuh ah serhsat awk le santlailo ah kan ser ve hna.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.