HOSEA 4:15 - Lai (Hakha) Common Language Bible 2006

¹⁵ Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

HOSEA 4:15 ပူးပေါင်းရင်းမြစ်များ

2 CHANRELNAK 17:4

sihmanhsehlaw a pa Pathian kha a kawl i Israel mi nih an zulhmi lam si loin a nawlbia kha a zulh.

2 CHANRELNAK 21:11

Cuhleiah Judah tlang ram ah khan khuahrum bo a ser hna i Jerusalem khuami kha zumhawktlak lo sinak chungah a luhpi hna i Judah mi kha lam a pialter hna.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

JEREMIAH 44:26

Sihmanhsehlaw Judah ram in a ra i Izipt ram ah a ummi vialte hna Bawipa bia hi ngai tuah u. Ka min cu Judah mi hna hmur ah a cuang ti lai lo, tiin keimah nih ka min a nganmi in chiat ka ser cang, tiah Bawipa nih a ti; Izipt ram chungah cun, ‘Bawipa Pathian a nun bangin,’ ti in chiat an ser ti lai lo.

JEREMIAH 5:2

Annih nih, “Bawipa a nun bangin,” an ti ko nain, Lih in chiat an ser.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

HOSEA 10:8

Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakṭheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

HOSEA 11:12

Efraim nih hlennak bia in a ka kulh i Israel chungkhar hna nih dehnak bia in an ka kulh; Cun Judah cu Pathian kha zulh duh loin aa chang i, A thiang tiah a timi siasal kha an biak ko rih hna.

HOSEA 12:1

Efraim cu a tuurun thli menmen a simi kha a khal i Amah cu chun nitlak in nichuahlei thil a dawi lengmangmi kha a si; Assiria he khan biakamnak kha a va ser i Izipt ram ah khan laksawng chiti kha a vun phorh.

HOSEA 12:11

Gilead ah siasal kha an biak hna, cu a biatu hna cu an thi lai. Gilgal ah cawtum kha rai ah an thawi hna, cucaah biakṭheng hna cu lo lak lungpon ah an cang lai.

HOSEA 12:12

Kan pu Jakob cu Aram ram ah khan a rak zam i Khika ah nupi ṭhitnak caah mi tuu kha a rak khal.

HOSEA 4:12

Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.

HOSEA 5:8

Gibeah ah muko kha tum u, tuuki kha Ramah ah tum u, Beth-aven ah raltuknak au khan au u law: “Benjamin, nangmah sinah kan ṭang!” tiah ti u.

HOSEA 9:15

Ṭhat lonak an tuahmi vialte kha Gilgal in aa thawk, Huat hram ka thawh hnanak cu khika khan a si. Ṭhat lonak an tuahmi ruangah khan ka ram chungin ka dawi hna lai. Annih cu ka daw ti hna lai lo, an hruaitu hna nih an dihlak in an ka ral.

AMOS 4:4

“Bethel ah ra u law ra sual u; Gilgal ah ra u law sual chinchin u! Zing fate in nan raithawinak kha rak pu u, Nan cheu hra cheu khat kha ni thum dan lengmang ah rak chuahpi hna u.

AMOS 5:5

Nun nan duh ahcun keimah sinah ra u, Bethel ah kal hlah u, Gilgal ah kal hlah u; Zeicahtiah Gilgal cu kalpi a si lai i Bethel cu siasal inn ah a cang lai.

AMOS 6:10

A thimipa cu, a ruakvuinak a sersiamtu a rualchan nih khan, a ruak cu innchung khan a chuahpi lai. Innchung a ken bik i a ummi kha, “Khaka ah khan aho an um ti maw?” tiah a hei auh tikah, “An um ti lo,” tiah a rak leh lai i, cun aa thawh lai i, “Hna chet hlah, Bawipa min cu chim awk a si lai lo,” tiah a ti lai.

AMOS 8:14

Cun Samaria pathiannu Ashimah in chiat a ser i, ‘Maw Dan, na pathian nunnak in chiat ka ser,’ a ti i ‘Beersheba lei lam tiangin chiat ka ser,’ a timi vialte cu Tho ti lo dingin an tlu lai.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

JOSHUA 5:9

Cun Bawipa nih Joshua sinah cun, “Nihin ni ah hin nan sinin Izipt mi nih an in nihsawh hnanak cu ka hrilh cang,” tiah a ti. Cucaah cu ka hmun min cu nihin tiangin Gilgal ti a si.

JOSHUA 7:2

Joshua nih Jeriko in Bethel nichuahlei i a ummi Beth-aven pawng i a ummi Ai khua ah mi a hei thlah hna i, “Hung kal u law, ram cu hung thlingthla tuah u,” tiah a ti hna. Cun mi cu an hung kal i Ai cu an hung ngiatthlai.