HOSEA 4:14 - Lai (Hakha) Common Language Bible 2006

¹⁴ Sihmanhsehlaw hi ruangah hin annih cu dan ka tat hna lai lo, Zeicahtiah nanmah zong biakinn i hlawhhlangnu a ummi hna he nan kal ve ko i anmah he cun Baal sinah khan raithawinak nan pekchanh ve ko, Cuticun phungthluk bia i “Hngalhnak a baumi cu an rawk,” tiah a um bantuk khan an rawk.

HOSEA 4:14 ပူးပေါင်းရင်းမြစ်များ

1 SIANGPAHRANG 15:12

Biaknak lei pa hlawhhlang kha ram chungin a dawi hna i a pupa nih an sermi siasal vialte kha a ṭhial hna.

2 SIANGPAHRANG 23:7

Biaknak lei hlawhhlang an umnak inn, Bawipa inn chung i a ummi kha a hrawh hna; cuka ah cun khi nu hna nih khan Asherah caah puan an tak.

PHUNGTHLÛKBIA 28:5

Miṭhalo nih biading hi zeidah a si kha an hngal lo, sihmanhsehlaw Bawipa a kawlmi hna nih cun tling tein an hngalh cikcek.

ISAIAH 1:5

Zeicahdah nan puar chin lengmang ko? Fak chinchin in dantat maw nan duh? Israel mi hna, nan lu cu hma a khat i nan lungthin le nan ruahnak cu a zaw.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

DANIEL 12:10

Mi tampi cu an i thianh lai i an thiang lai, vaar virver in an um lai, sihmanhsehlaw miṭhalo hna nih cun an hngal lai lo i ṭhat lonak kha an tuah lengmang ko lai, hruaitu fim hna lawng nih khan an hngalh lai.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

HOSEA 4:17

Israel mi cu siasal nih a molhter cang, amah um in um ko seh;

HOSEA 5:4

Thil ṭhalo an tuahmi nih khan Pathian lei i an kirnak ding lam kha a phih; Siasal biaknak lungthin nih khan a tei hna i Bawipa kha zei ah an rel lo.

AMOS 2:7

Annih nih sifakmi kha an lu vawlei ah an lamh chih hna i Mi nauta pawl kha lam thlang ah an en hna. Pa le fa nih nu pakhat kha an pahnih in an fuh i Cuticun ka min kha an thurhhnawmhter.

AMOS 7:17

Cucaah Bawipa bia cu hihi a si: Na nupi cu khuapi chung hlawhhlangnu ah a cang lai i Na fapale hna le na fanule hna cu vainam in an thi lai. Na vawlei cu tahnak hri in an tah hna lai i mi an phawt hna lai; Nangmah cu lawkihmi ram ah na thi lai; Cun Israel cu anmah an ram khan lamhlapi ah an kalpi hna lai i sal ah an tang lai,” tiah a ti.

NAMBAR 25:3

Cu bangin Peor i Baal he cun Israel mi cu an i khitbanh i, Bawipa thinhunnak cu Israel cungah a alh;

JOHAN 8:43

Zeicahdah ka chimmi hi nan hngalh khawh lo? Ka bia kha nan theih khawh lo caah a si.

ROM 3:11

Pathian a hngalmi ahohmanh an um lo, Pathian a kawlmi ahohmanh an um lo.

1 KORIN 6:16

Hlawhhlangnu pum ah a pum a va fonhmipa kha, hlawhhlangnu he cun titsa khat an si ti kha nan hngal rua lo. Cathiang nih fiang tein a chimmi cu, “Cu hna pahnih cu pum khat an si lai,” ti hi a si.

EFESA 4:18

An lungthin kha a mui. Annih cu zeihmanh an hngalh lo ca le an lung a ṭhawn caah Pathian pekmi nunnak chungah khan an i tel kho lo.

DEUTERONOMI 23:17

“Israel mi fanu hna lakah biaknak hlawhhlang an um awk a si lo; Israel mi fapa hna lak zongah biaknak hlawhhlang an um awk a si lo.

HEBRU 12:8

A fale dang vialte kha dan a tat hna i nannih cu dan an tat ṭung hna lo ahcun, nannih cu fa taktak si loin lakfa nan si ti sullam tu a si hnga.