HOSEA 4:13 - Lai (Hakha) Common Language Bible 2006

¹³ Tlang cung i khuahrumbo ah khan rai an thawi i Thingkung a sang i a hnah a ṭha i a thladem a kaumi toiah khan zihmui an khangh. Cu ruangah cun nan fanule hna cu hlawhhlangnu ah an cang i Nan fapale nupi hna cu vacung in pa an i duh.

HOSEA 4:13 ပူးပေါင်းရင်းမြစ်များ

2 SIANGPAHRANG 17:7

Mah hihi hi bang hin a si, zeicahtiah Israel mi nih, Izipt ram chungin le Izipt siangpahrang Faro kut tangin a chuahpitu hna Bawipa an Pathian cungah khan an sual i pathian dang kha an ṭih hna i

2 SIANGPAHRANG 23:7

Biaknak lei hlawhhlang an umnak inn, Bawipa inn chung i a ummi kha a hrawh hna; cuka ah cun khi nu hna nih khan Asherah caah puan an tak.

ISAIAH 1:29

Thingkung nan rak biakmi hna le dum thiang nan rak sermi hna kha nan i ngaichih ngaingai lai.

ISAIAH 57:5

Hrinsor ṭhatnak pathian kha nan biak hna i cu biaknak ah cun nu le pa sualnak tuah kha a si nan ti i thingkung thiang nan timi hna toiah khan nan sual. Tiva kam lungkua ah khan nan fale cu rai ah nan thawi hna.

ISAIAH 57:7

Tlang sang cungah khan nan kai i raithawinak nan va tuah i nan va sual.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

JEREMIAH 3:6

Josiah Siangpahrang chan ah Bawipa nih a ka thawh i, “Hi zumhawktlak lo Israel nih hin zeidah a tuah kha na hmu cang maw, tlang sang kip i a kai i thingkung hring kip toi i hlawhhlangnu aa celh hi?

JEREMIAH 44:8

Mah hihi umnak hmun nan i khuarnak Izipt ram i pathian dang hna sinah raithawinak nan pekchanhnak thawngin siasal biaknak nan tuahmi in ka thin nan ka phawhnak ruangah a si. Nanmah le nanmah kha nan i hrawk lai i vawlei cung miphun vialte sinah nihsawh awk le zawmhtaih awkah nan cang lai.

EZEKIEL 16:16

Na thilthuam kha naa lak hna i ṭheng kha dawh ngaiin naa ser i naa ṭamh i cuka ah cun nu le pa sualnak kha na tuah; naa dawh ruangah amah ta si awkah amah he cun na sual.

EZEKIEL 16:25

Lam ṭeka kip ah khan ṭhutdan sang cu na ser hna i naa dawhnak cu ningzahnak na phakter, aa chawkmi kip sinah khan na pum cu naa pe i a voi rel cawk loin na sual.

EZEKIEL 6:13

Ral kut in a thimi an mi hna cu an biakṭheng pawng i an siasal hna lakah siseh, fing kip le tlang kip cungah siseh, a hnah borh a ṭhami thingkung toi kip le kuhthing toi kip ah siseh, an siasal hna cu rimthaw an pekchanh hna nak hmun paoh ah, an rilh liangluang tikah, keimah cu Bawipa ka si kha nan hngalh lai.

HOSEA 10:8

Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakṭheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

HOSEA 11:2

Sihmanhsehlaw ka kawh deuh hna paoh ah an ka hlat chin lengmang Baal sinah khan raithawinak an tuah i serchom siasal sinah khan rimhmui kha an khangh.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

AMOS 7:17

Cucaah Bawipa bia cu hihi a si: Na nupi cu khuapi chung hlawhhlangnu ah a cang lai i Na fapale hna le na fanule hna cu vainam in an thi lai. Na vawlei cu tahnak hri in an tah hna lai i mi an phawt hna lai; Nangmah cu lawkihmi ram ah na thi lai; Cun Israel cu anmah an ram khan lamhlapi ah an kalpi hna lai i sal ah an tang lai,” tiah a ti.