HOSEA 4:12 - Lai (Hakha) Common Language Bible 2006

¹² Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.

HOSEA 4:12 ပူးပေါင်းရင်းမြစ်များ

2 SIANGPAHRANG 17:7

Mah hihi hi bang hin a si, zeicahtiah Israel mi nih, Izipt ram chungin le Izipt siangpahrang Faro kut tangin a chuahpitu hna Bawipa an Pathian cungah khan an sual i pathian dang kha an ṭih hna i

2 CHANRELNAK 21:13

sihmanhsehlaw Israel siangpahrang hna lam kha na zulh hna i Ahab innchungkhar nih Israel mi an pialter hna bang khan nangmah nih Judah ram mi hna le Jerusalem mi hna kha na pialter hna i nangmah nakin a ṭha deuhmi na unau hna, na pa innchungkhar mi a simi hna kha na thah hna caah,

SALM 106:39

An thil tuahmi nih hin anmah cu a thurhnawmhter hna i Pathian sinah khan zumhawktlak in khua an sa lo.

SALM 73:27

Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.

JEREMIAH 10:8

Annih cu an dihlak in mihrut an si i an nga fawn; An fimnak pakpalawng cu thingtum sinin an cawnmi a si.

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

JEREMIAH 23:13

Samaria profet hna cu ruahnak zeihmanh a ngei lomi an si kha ka hmuh: Baal min in bia an chim i ka mi Israel mi kha a pingah an hruai hna.

EZEKIEL 20:32

Nannih nih nan i thawh i, ‘Ram dang miphun cio hna bang si ve u sih law thing le lung kha bia hna u sih,’ tiah nan ti tikah hin, a si kho bal lai lomi thil kha nan ruahmi hi a si.

EZEKIEL 21:21

Zeicahtiah Babilon siangpahrang cu lam an i ṭhennak, lam ṭeka ah khan li kha tin a hmang tawn. Camcawhnak thal kha a zoh hna i chungkhar siasal kha an ruahnak a hal hna, sa hnit kha a zoh hna.

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

HOSEA 5:4

Thil ṭhalo an tuahmi nih khan Pathian lei i an kirnak ding lam kha a phih; Siasal biaknak lungthin nih khan a tei hna i Bawipa kha zei ah an rel lo.

HOSEA 6:10

Israel hmunthiang ah thil ṭhalo ngaingai pakhat ka hmuh: Khika ah Efraim cu hlawh a hlang i Israel cu amah le amah aa thurhhnawmh.

HOSEA 9:1

Israel mi hna, lawkih mi bantukin puai nan tuahmi hi ngol u. Zeicahtiah nan Pathian cu nan hlawt i a cungah khan zumhawktlak loin nan um. Nan ram chung dihlak ah hin hlawhhlangnu bantukin Baal sinah nan i zuar i an phalhmi hna rawl kha nan i lawmhpi.

LEVITIKAS 17:7

Cucaah hlawhhlang an sihnawhmi meheh khuachia hna caah khan an raithawinak cu an that ti lai lo. Mah hihi an tefa chin tiang i an zungzal phung cu a si lai.

LEVITIKAS 20:5

cu pa le a innchungkhar hna cu ka hmai ka chiathnawh hna lai i an mi hna lak in ka hlonh hna lai, amah le Molek sin i va hlawhhlan awkah amah a zulmi vialte cu, ka hlonh hna lai.

MIKAH 2:11

“A kenkip ah aa chawk i a lih le a hrokhrawl in, ‘Nan caah mitsur hang le zu cu a luan in an luang ko lai,’ tiah profet biachim in a chimmipa cu mi nih an duhmi profet cu a si.

HABAKKUK 2:19

Rawk ding nan si ko cang! Thingtan cu naa thawh i “I hlau tuah,” na ti; Lungtum cu naa thawh i, “Tho tuah,” na ti. Siasal nih zeital an phuanpiak kho maw? Ngun le sui cun tuam a si ko lai, asinain a chungah nunnak a um lo.

NAMBAR 15:39

cun nannih nih hmumbor kha nan zoh lai i Bawipa nawlbia vialte kha tuah awkah nan hngalh ṭhan lai, i sum loin zulh nan duh tawnmi nanmah nan lung duhnak le mit duhnak kha nan zul ti lai lo.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

BIACEIHTU 18:5

Cun annih nih amah cu, “Pathian kan halpiak tuah, tiah kan in nawl, kannih nih kan kalhnawhchanmi hi kan hlawhtling lai maw tling lo kan hngalh khawh nakhnga,” tiah an ti. Cun tlangbawi nih cun annih cu,