HOSEA 3:5 - Lai (Hakha) Common Language Bible 2006

⁵ Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

HOSEA 3:5 ပူးပေါင်းရင်းမြစ်များ

1 SIANGPAHRANG 12:16

Cun Israel mi vialte nih, siangpahrang nih kan bia a ngai lo ti kha an hmuh tikah, mi zapi nih cun siangpahrang cu an leh i, “David chungah zei covo dah kan ngeih? Jesse fapa chungah ro kan ngei lo. Maw Israel, nan thlam ah kal dih u! David, nangmahte nih na inn chungkhar cu i zohkhenh ko,” an ti. Cucaah Israel mi cu an thlam cio ah an tlung.

ISAIAH 17:7

Cu ni a phak tikah annih a sertu hna Israel Pathian thiang cu bawmh an hal lai.

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

ISAIAH 60:5

Mah hihi na hmuh lai i lunglawmhnak in na khat lai, naa lawmh tuk ah a ther in na ther lai. Miphun hna nih an rumnak cu na sinah an rak put lai i naa lawmh tuk ah a ther in na ther lai. Miphun hna nih an rumnak cu na sinah an rak put lai i rili bangin an chawva cu a ra lai.

ISAIAH 9:13

Israel mi cu an i ngaihchih lo; Ralkapbu Bawipa nih dan a tat hna nain amah leiah an i mer hlei lo.

JEREMIAH 23:5

David ruang in a dingmi Nge pakhat ka corhter lai caan a ra lio, tiah Bawipa nih a ti. Cu siangpahrang nih cun fimnak in a uk hna lai i Ram chungah phung le dinnak kha a hmunhter lai.

JEREMIAH 30:24

Aa tinhmi le a duhnak kha a tlinh hlan le a lim hlanah cun a dong lai lo. Mah hi kong hi hmailei ah fiang tein nan hngalh te lai.

JEREMIAH 30:9

Bawipa an Pathian le an caah ka chuahter laimi an siangpahrang David kha an rian an ṭuan cang hna lai, tiah Ralkapbu Bawipa nih a ti.

JEREMIAH 33:17

Zeicahtiah Bawipa bia cu hi bangin a si: Israel mi bawiṭhutdan cung i a ṭhu ding kha David nih ngei loin a um bal lai lo i

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

EZEKIEL 38:16

Thlichia nih ram kha a hrawh bantukin ka mi Israel mi cu na hrawh hna lai. Cun caan hmanung bik caan ah cun, ka ram doh awkah keimah hrimhrim nih kan kalpi lai i nangmah hmang in ka tuahmi nih keimah cu ahodah ka si ti langhternak caah le ka thiannak langhternak caah, nang Gog, an hmangtu cu Keimah ka si kha miphun hna nih an hngalh lai, a ti.

EZEKIEL 38:8

Ni tampi hnuah auh na si te lai; hmailei kum tampi hnuah khin, a rawk i remh ṭhanmi ram ah cun na lut ṭhan lai, cu ram cu a mi hna miphun tampi hna lakin kum saupi a ṭiao cangmi Israel ram tlang cung i pumh ṭhan a simi ram cu a si. Miphun hna lakin chuahpimi Israel mi hna cu ahohmanh nih hnahnawh lo tein khua an sa lai;

DANIEL 10:14

Cun ka ratnak cu, hmailei ah na mi hna cungah zeidah a tlung lai ti chimh awkah a si i hi langhnak hi hmailei kong langhnak thar a si,” tiah a ti.

DANIEL 2:28

Sihmanhsehlaw vancung ah khin biathli a phuang khotu Pathian pakhat a um i amah nih cun Siangpahrang Nebukhadnezzar cu hmailei ah zei thil dah a um lai, ti kha an chimh cang. Mah hihi na mang, naa hngilh lioah langhnak na hmuhmi cu a si:

HOSEA 1:11

Cun Judah mi le Israel mi hna cu hmunkhat ah fonh an si lai i anmahte nih hruaitu pakhat kha an i thim lai, cun annih nih ram kha an co lai, Jezreel ni cu a lianngan lai.

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

HOSEA 5:6

Bawipa sin i raithawi awk caah an tuu hna le an caw hna kha i put hna hmanh seh law zeihmanh san a tlai lo; A kaltak cang hna caah amah cu an hmu kho lo.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

MIKAH 4:1

Hmailei caan ah cun Bawipa inn a umnak tlang cu tlang vialte lakah a sang bik a si lai; Cu tlang ah cun mi tampi kha an ra lai, phun tampi kha an ra lai i,

NAMBAR 24:14

Zohhmanh, ka miphun sinah ka kal cang lai; ra ve law, mah miphun nih hin na mi hna cungah hi hnu i an tuah hnga ding cu kan hngalhter lai,” tiah a ti.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

DEUTERONOMI 4:30

Harnak chungah nan um tik le hi thil vialte cu nan cungah ni hmanung bik ni ah a tlun tikah, Bawipa nan Pathian sinah cun nan kir ṭhan lai i a bia kha nan ngaih lai,