HOSEA 2:7 - Lai (Hakha) Common Language Bible 2006

⁷ A duhtu kha a dawi hna tikah a phan a phan hna lai lo, A kawl hna tikah a hmu hna lai lo; Cu tikah aa thawh lai i, “Ka va sinah khan ka kir ṭhan lai, amah sin i ka rak um ah khan atu nakin ka caah a ṭha deuh,” a ti lai.

HOSEA 2:7 ပူးပေါင်းရင်းမြစ်များ

2 CHANRELNAK 28:23

Zeitintiah amah a teitu Damaskas pathian hna sinah khan rai a thawi i, “Siria siangpahrang hna pathian hna nih an bawmh hna caah, keimah zong an ka bawmh ve nakhnga an sinah raithawinak ka tuah lai,” tiah a ti. Sihmanhsehlaw annih cu amah le Israel mi vialte rawhralnak an si.

SALM 116:7

Bawipa cu ka cungah a ṭhat caah, maw ka nunnak, hnangam tein um ko.

ISAIAH 30:16

Tlik a mumi rang kan i cit hna lai i cuticun kan ral hna kut in kan luat lai tiah khua nan khan. Asi, nan hmaan ko, nan zam a herh taktak lai. Sihmanhsehlaw kan rang cu an ṭhawng ve ko, tiah nan ruat lai nain nanmah an dawitu hna rang cu an ṭhawng chinchin lai.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 2:2

“Va kal law Jerusalem vialte nih an theih nakhnga va au tuah, Bawipa bia cu hi bangin a si: Na ngaknut lio i na ka tlaihchannak le Hammi na si lio i na ka dawtnak kha ka hngalh camcin ko, Thetse ram, zeihmanh cinthlak lonak ram ah khan na rak ka zulh lengmang ko.

JEREMIAH 2:28

Nan ca i nan i sermi nan pathian hna cu khuazei ah dah an si kun? An in khamh khawh hna ahcun, harnak nan ton ni ah cun tho hna ngat seh; Zeicahtiah, maw Judah, na khua le na pathian an i zat.

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

JEREMIAH 31:18

Israel mi hna nih ngaihchia in, ‘Bawipa, kannih cu a hrang i a lung a khongmi cawtum bantuk kan si, sihmanhsehlaw nangmah nawl zulh kha na kan cawnpiak; Kan hruai ṭhan law kan ra kir ko lai; nangmah cu Bawipa, kan Pathian na si.

JEREMIAH 31:32

Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

EZEKIEL 16:18

Annih cu ṭamhmi puan khan na khuh hna i ka chiti le ka zihmui kha na pekchanh dih hna.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

EZEKIEL 20:32

Nannih nih nan i thawh i, ‘Ram dang miphun cio hna bang si ve u sih law thing le lung kha bia hna u sih,’ tiah nan ti tikah hin, a si kho bal lai lomi thil kha nan ruahmi hi a si.

EZEKIEL 23:12

Amah zong nih cun Assiria mi kha a duh hna, uktu bawi hna le bawi nganngan hna le ralbawi hna, rang cung i an thuam tlingte he aa citmi tlangval rangcung ralkap pa dawhdawh hna kha a duh hna.

EZEKIEL 23:22

“Cucaah Bawipa bia cu hihi a si: Oholibah, nangmah an duhtu hna, na luak chuak cikcek in an nortu hna kha na cungah an thin ka hunter hna lai i a kenkip in nangmah cu an in chuahhnawh lai:

EZEKIEL 23:4

A upa u cu a min ah Oholah a si i a ngakchia deuh u cu Oholibah a si. Annih cu keimah ta ah an cang i fapa le fanu hna kha an ka hrinpiak. Oholah cu Samaria a si i Oholibah cu Jerusalem a si.

DANIEL 4:17

Hi kong cu cawngtu vancungmi hna nih an ruah ciami a si. Cucaah khuazeika ram i a ummi minung paohpaoh hna nih, Cung Nung Bik Pathian nih cun minung pennak cungah nawl a ngei ti kha hngal hna seh. A duhmi paoh kha siangpahrang ah a ser khawh ko hna, santlailo bik hmanh kha a ser khawh ko hna, ti kha hngal hna seh,” a ti.

DANIEL 4:25

Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.

DANIEL 5:21

Amah cu minung hna sin khan ṭhawl a si i a lungthin cu saram lungthin bantuk ah khan a cang, ramlak laa hna sinah khan khua a sa i cawtum bantukin ram kha a ei i a pum cu van dap nih cin cikcek in a tlak, cuticun Cung Nung Bik Pathian cu minung pennak cungah hin bawi a si i cu pennak a pengtu dingah cun a duhmi paoh kha a chiah hna ti a hngalh hlantiang, cuticun a um.

HOSEA 1:2

Bawipa nih Hosea sinin Israel sinah a hmasa bik bia a chim tikah, Bawipa nih amah cu a thawh i, “Va kal law mizuangzamnu kha va ṭhi law cu mizuangzamnu he cun fa va ngei u; zeicahtiah hi ram hi Bawipa sinah zumhawktlak loin a um caah mizuangzamnu bantuk a si cang,” tiah a ti.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

HOSEA 14:1

Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.

HOSEA 2:16

Khi ni ah cun, “Ka va,” a ka ti lai i, “Ka Baal,” a ka ti ti lai lo.

HOSEA 5:13

Israel nih zeitluk in dah ka zawt ti kha aa hngalh i Judah nih a hma kha aa hmuh tikah, Israel cu siangpahrang ngan kha bawmhnak va hal awkah Assiria ah a kal, Sihmanhsehlaw a damter kho hna lo i an hma zong a damter kho lo.

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.