HOSEA 2:18 - Lai (Hakha) Common Language Bible 2006

¹⁸ Khi ni ah Israel aiawh in ramsa hna le van i a zuangmi va hna le vawlei i a lawn mi thilnung hna he biakamnak ka ser lai i nunnak a ngeimi thil paohpaoh nih ṭihnak zeihmanh um loin an um ṭi khawh nakhnga likuk le vainam le ral hriamnam hna cu ka hrawh dih hna lai i vawlei cungin ka hloh hna lai i ka mi cu daite le him tein ka umter hna lai.

HOSEA 2:18 ပူးပေါင်းရင်းမြစ်များ

JOB 5:22

Rawhralnak le mangṭam an tlun tikah na ni lai i Vawleicung sahrang kha na ṭih hna lai lo.

JOB 5:23

Lo chung lung hna nih cun hna an in hnawh lai lo i lo chung sahrang hna he cun rem tein nan um lai.

SALM 148:10

Saram vialte hna, inn zuat saṭil le ramlak saram hna, a paw in a lawnmi le vate vialte hna, nan dihlak in amah cu thangṭhat u.

SALM 23:2

Ramhring lakah a ka bawhter, dinh hmun ti pawngah a ka hruai.

SALM 46:9

Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

ISAIAH 32:18

Pathian mi hna cu an inn ah khan daihnak le himnak a um lai i lung retheihnak in an luat lai.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

ISAIAH 65:25

Cenghngia le tuufa cu an tlong ṭi lai i chiandeih nih caw bantukin capawl an ei lai. Rul cu ṭih an nung ti lai lo i a rawl ah leidip a si lai. Ka tlang thiang Zion Tlang cungah cun i hliamkhuainak le i hrawhnak zeihmanh a um ti lai lo,” a ti.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

JEREMIAH 30:10

“Cucaah cun ṭih hlah maw Jakob, ka sal; Maw Israel, lungdong in um hlah, tiah Bawipa nih a ti. Zeicahtiah ram hlapi khan kan ratpi ṭhan lai i na tefa hna cu sal i an tannak hmun khan ka kirpi ṭhan hna lai; Cun Jakob cu hnangam tein a um ṭhan lai i thluachuak le lungdai in a um lai.

JEREMIAH 33:16

Khi ni ah cun Judah cu him tein a um lai i Jerusalem cu ahohmanh nih hnahnawh lo tein khua a sa lai; cun a min cu, ‘Bawipa cu kan dinnak a si,’ ti a si lai,” tiah Bawipa nih a ti.

EZEKIEL 34:25

Annih kha rumnak pek awkah anmah he biakamnak ka tuah lai; ram chungin sahrang kha ka ṭhawl dih hna lai i saṭil tlonnak hmun ah khan lungdai tein an um lai i tu chungah khan an it lai.

EZEKIEL 39:1

Cun nang, mipa, Gog cu chim law, hihi Bawipa Pathian bia an si, tiah ti. Rosh le Meshek le Tubal siangpahrang Gog, nangmah cu kan doh.

ZEKHARIAH 14:4

Khi ni ah cun a ke cu Oliv Tlang cungah an dir lai, cu tlang cu Jerusalem in nichuahlei ah ral-enh in a ummi a si, cun cu tlang cu nichuahlei in nitlaklei ah a kalmi horkuang thukpi nih cheu hnih ah a cheu lai; tlang cheu pakhat cu chaklei ah aa thawn lai i a dang a cheu pakhat cu thlanglei ah aa thawn lai.

ZEKHARIAH 14:9

Cun Bawipa cu vawlei cung vialte siangpahrang a si lai; khi ni ah cun Bawipa lawnglawng cu Bawipa a si lai i a min lawnglawng cu min a si lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

ZEKHARIAH 3:10

Khi ni ah cun nan dihlak in mahle mitsur ruang toi cio le theipi kung tang cio i ṭhut awk kha nan i sawm lai, tiah ralkapbu Bawipa nih a ti.

ZEKHARIAH 9:10

Efraim in rangleng kha a dawi dih hna lai i Jerusalem in raltuknak rangtum kha a dawi dih hna lai; Ralkap likuk kha hlonh dih an si lai. Miphun kip sinah khan daihnak in bia a chim lai i A pennak cu rili in rili tiang a phan lai. Zufrates tiva in vanhramdeng tiang a phan lai.