HOSEA 13:6 - Lai (Hakha) Common Language Bible 2006

⁶ Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

HOSEA 13:6 ပူးပေါင်းရင်းမြစ်များ

NEHEMIAH 9:35

Nangmah nih na ṭhatnak a ngan ca i na pekmi hna an ram chung le an hmaiah na chiahmi ram ngan le ram rum chungah khan nangmah rian kha an ṭuan lo i an rian ṭhalo kha an mertak hna lo.

SALM 10:4

A ruam a kai caah miṭhalo nih cun aa thawh i, “Pathian nih cun dan a ka tat lai lo, ka duhnak ṭhalo kha a zeihmanh a poi lem lai lo,” a ti. Miṭhalopa nih a ruahmi cu cucu a si.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

ISAIAH 17:10

Israel, nangmah an chanhtu le lungpi bangin an hupphengtu na Pathian cu na philh cang. Dum thiang tu kha naa serh hna i ramdang pathian kha na biak.

JEREMIAH 5:7

Zeitindah kan ngaihthiam khawh hna lai? Nan fale nih an ka hlawt i pathian a si lomi pathian kha chiatsernak ah an hman hna. Khim tein ka cawm hna, sihmanhsehlaw vacung pa duh kha an i thim deuh i Hlawhhlangnu inn ah khan an va kal lengmang.

EZEKIEL 23:35

Cucaah cun mah hihi Bawipa Pathian bia an si: Nangmah nih na ka philh i na hnulei ah na ka hlonh caah na hornak le na zuanzamnak man cu nangmah nih na in lai,” tiah a ti.

EZEKIEL 28:5

Chawlehnak i na fimnak thawngin chawva cu naa pon tengtung ko hna i, Na rumnak rup cun na ruamkainak cu a ṭhang.

HOSEA 10:1

Israel mi cu tlai a duh ngaimi phun mitsur ruang bantuk an si, A thei tam deuh a hung tlai paoh ah biakṭheng zong kha tam deuh an sak ve, An vawlei nih tam deuh a chuahter paoh ah an biakmi tung thiang kha dawh deuh in an ser ve hna.

HOSEA 12:8

Asinain annih nih cun an i thawh i, Kannih cu kan rum cang, chawva tampi kan ngei cang; Dinlonak in an rum tiah ahohmanh nih an kan ti kho lai lo, an ti.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

HOSEA 2:7

A duhtu kha a dawi hna tikah a phan a phan hna lai lo, A kawl hna tikah a hmu hna lai lo; Cu tikah aa thawh lai i, “Ka va sinah khan ka kir ṭhan lai, amah sin i ka rak um ah khan atu nakin ka caah a ṭha deuh,” a ti lai.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

HOSEA 4:7

Tlangbawi nan tam chin lengmang paoh ah ka cung i nan sualnak kha a tam chin lengmang ve. Upatnak nan hmuhmi cu ningzahnak ah ka canter lai.

HOSEA 5:14

Israel mi le Judah mi cu a ṭhawngmi chiandeih bantukin ka zuanhnawh hna lai; Keimah hrimhrim nih ka thleh ka baoh dih hna lai i ka kaltak hna lai. Ka hnuh hna lai i ahohmanh nih an chanh kho hna lai lo.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

HOSEA 8:4

Siangpahrang kha an ser hna, sihmanhsehlaw keimah duhning in a si lo, bawi kha an chiah hna, Sihmanhsehlaw keimah hngalh loin an tuah; Annih nih an sui le an ngun in siasal kha an i ser hna.

DEUTERONOMI 32:18

An hringtu Lungpi kha na ruat lo i An sortu Pathian kha na philh.