HOSEA 13:16 - Lai (Hakha) Common Language Bible 2006

¹⁶ Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

HOSEA 13:16 ပူးပေါင်းရင်းမြစ်များ

2 SIANGPAHRANG 15:16

Khi caan ah khan Menahem nih Tappuah khua kha a tei i a chung i a ummi vialte le a ram chung Tirzah khua thawk in a ummi vialte kha a hrawh hna; annih nih khua chung luh kha an onh duh lo caah cun a hrawh; cun a chung i a ummi nu fapawi kha a thler dih hna.

2 SIANGPAHRANG 17:18

Cucaah Bawipa cu Israel cungah a thin a hung ngaingai i a mithmuh phak lonak ah a dawi hna; Judah phun dah ti lo cu ahohmanh an tang lo.

2 SIANGPAHRANG 17:5

Cun Assiria siangpahrang nih cun ram vialte cu a tuk i Samaria ah a ra i kum thum chung a dum.

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

2 SIANGPAHRANG 8:12

Cun Hazael nih a thawh i, “Zeicahdah ka bawipa na ṭah?” tiah a ti. Anih nih, “Zeicahtiah ṭhat lonak Israel mi cungah na tuah ding kha ka hngalh; an ralhau kha mei in na duah hna lai i an tlangval hna cu vainam in na thah hna lai i an ngakchia hna cu na den cikcek hna lai i fa a pawimi an nule hna cu na thler dih hna lai,” tiah a ti.

ISAIAH 13:16

Zeihmanh tuah kho ṭung loin an mit lawng i an zoh ko lio hna ah khan, an fale tete cu thi lakin an tenghpiak hna lai, an inn kha an ramh hna lai i an nupile kha hranhram in an sualpiak hna lai,” a ti.

ISAIAH 17:3

Israel cu hupphengtu ralhruang zeihmanh a ngei ti lai lo i Damaskas cu amahte in aa ukmi ram a si ti lai lo. Siria mi hna chungin a tangmi hna kha Israel mi hna bantukin ningzak in khua an sa ve lai. Hi bia hi Bawipa nih ka chim,” a ti.

ISAIAH 8:4

Ngakchiapa nih, ka nu, ka pa, ti a thiam hlanah Damaskas chawva vialte le Samaria hranchaw vialte cu Assiria siangpahrang nih a kalpi dih hna lai,” a ka ti.

HOSEA 10:2

An lungthin a sualmi, hi minung hna cu, an sual ruangah an tuar awk a si. Pathian hrimhrim nih an biakṭheng cu a den dih hna lai i an biakmi an tung thiang cu a hau dih hna lai.

HOSEA 11:6

Ral nih an khua kha an lak dih hna lai i khua kutka hrenhnak thingtluan hna cu an khiah dih hna lai. Lungthin cheuhnak ṭhalo kha ka mi nih an zulh caah ral nih cun an hrawh dih hna lai.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

AMOS 1:13

Hihi Bawipa bia an si: Ammon mi hna nih ṭhat lonak pakhat hnu pakhat an tuah lengmang caah, An cung i dantatnak ka tlunter ding kha ka let lai lo. An ram kha kauhter an duh caah

AMOS 3:9

Ashdod khua chung i siangpahrang inn hna le Izipt ram chung i siangpahrang inn hna ah cun va dir law, “Samaria tlang ah cun i pum tuah u law, Khika i tuainak a ummi kha le a mi hna lakah pakhat le pakhat i hremnak a ummi kha va zoh tuah u,” ti hna.

AMOS 9:1

Bawipa cu biakṭheng pawng i a dir kha ka hmuh i hi bangin a ti: “Innleng kha aa hninh dih nakhnga tung par kha tu tuah hna, Cun cuka i a ummi hna cu an lu ah a tlak hna nakhnga kuai cikcek in deng hna. An dih cikcek tiangin vainam in ka thah hna lai. Ahohmanh a luatmi an um lai lo, A tangmi him tein a ummi zong an um lai lo;

MIKAH 1:4

Mei nih khuaiseng kha a linh tikah a zor bantukin tlang hna cu amah toiah cun an zor i, Tlang pang ah ti an luan bantuk khin horkuang chungah an vung luang.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

NAHUM 3:10

No-amon zong cu ral ah a tang i sal cannak chungah an kalpi; Lam ṭe ka kip ah khan a fano tete hna cu an den dih hna i a bawi hna cu camcawhfung zuh in an i ṭhen hna i a mingan vialte hna cu cikcin in an khih hna.