HOSEA 13:15 - Lai (Hakha) Common Language Bible 2006

¹⁵ Efraim cu phaikung bantukin hno hluahmah hmanh seh law Nichuahlei thli a sami kha thetse ram lei in ka run hranter lai i an cerh le an tiput vialte cu an car dih lai. A sungmi thil vialte cu a lohpi dih hna lai.

HOSEA 13:15 ပူးပေါင်းရင်းမြစ်များ

GENESIS 41:23

Cun a dang favui pasarih an hung chuak ve i cu hna cu nichuahlei thli nih a chemmi bantukin thep selsul in an um.

GENESIS 41:52

Cun, “Harnak ka innak ram ah Pathian nih fa a ka pek,” tiin a fapa pahnihnak cu Efraim a sak.

GENESIS 41:6

Cun a dang favui pasarih an hung chuak ve ṭhan i cu hna cu nichuahlei thli nih a chemmi bantukin thep selsul in an um.

GENESIS 48:19

A pa nih cun a duh lo i, “Ka fa, ka hngalh ko. Manasseh tefa hna zong hi mi lianngan an si ko lai. Asinain a nau pa cu amah nakin a ngan deuh lai a tefa cu miphun lianngan pipi ah an i chuah lai,” a ti.

GENESIS 49:22

“Josef hi laa le a si, Cerh pawng i a ummi laa le a si, a fale cu tlangpang ah an um.

JOB 18:16

A hram cu tanglei ah a car i an nge cu cunglei ah a ro;

SALM 1:4

Sihmanhsehlaw miṭhalo cu hi bangin an si lo, Thli nih a chawihmi favai bantuk an si.

SALM 109:13

A tefa vialte cu thi dih hna seh law hmai chan ah cun a min cu philh dipdep si seh.

ISAIAH 14:21

I samnak cu thawk ko u! Hi siangpahrang fapa hna hi anmah a hringsortu hna sualnak ruangah hin an thi lai. An lakah ahohmanh vawlei uktu an um lai lo i vawlei cungah khua an ser lai lo.

ISAIAH 17:13

Miphun hna cu hmailei ah rili tilet bangin an kal, sihmanhsehlaw Pathian nih a sik hna i an kir, tlang cung i thli nih a choihmi leidip bantuk le phuchim nih a choihmi capawl bantuk an si.

ISAIAH 27:8

Bawipa nih a mi hna dan a tat hna cu, ramdang i a kalter hna kha a si. A ṭhawngmi thli, nichuahlei thlitu kha a choihter hna.

ISAIAH 41:16

Van ah na hlerh hna lai i thlitu nih a choih hna lai; thlichia nih a kenkip ah a ṭhek dih hna lai. Sihmanhsehlaw nang cu naa lawm lai, zeicahtiah keimah cu na Pathian ka si, Israel Pathian thiang keimah cu na ka thangṭhat lai.

JEREMIAH 20:5

Cu hleiah, khuapi chung chawva vialte, rumnak vialte le Judah siangpahrang hna rorah vialte cu an ral hna kut chungah hranchaw ah ka pek hna lai i an tlaih hna lai i Babilon ah an kalpi hna lai.

JEREMIAH 4:11

Khi tikah hi mi hna le Jerusalem khuami hna cu hitin chimh an si lai: Thetse ram tlangpar kawng in ka mi hna leiah thli lin a hrang, Cu thli cu vamhnak caah a si lo, thianternak ca zongah a si lo;

JEREMIAH 4:12

Vamhnak ca le thianhnak caah a ṭhawng tukmi thli cu ka fial lai i a hrang lai i Atu cu an cung i ka chim duhmi bia kha ka chim lai.

JEREMIAH 51:1

Hi bangin Bawipa nih a ti: Zohhmanh, Babilon khua le Khaldi ram i a ummi hna ralchanhtu dingah hrawktu thlichia ka thawhter lai,

JEREMIAH 51:36

Cucaah hi bangin Bawipa nih a ti: Zohhmanh, na bia cu kan chimpiak lai i na phu kha kan hlampiak lai; A rili cu ka kaoter lai i a tiput hna cu ka carter hna lai;

EZEKIEL 17:10

Phun cu phun a si ko cang, asinain a nung in a ṭhang lai maw? Nichuahlei thli nih hranh in a car ko hnga lo maw? A umnak hmun ah cun a car hnga lo maw?” a ti.

EZEKIEL 19:12

Sihmanhsehlaw thinhun in sam a si i vawlei ah hlonh a si; Nichuahlei thli nih a chem i a ro dih, A thei kha a choih dih hna, A nge ṭhawngṭhawng kha an ro dih i mei nih a kangh hna.

DANIEL 11:8

An pathian milem cu a lak hna lai i a sungmi an thil, sui le ngun hna he khan Izipt ram ah a kalpi hna lai.

HOSEA 10:1

Israel mi cu tlai a duh ngaimi phun mitsur ruang bantuk an si, A thei tam deuh a hung tlai paoh ah biakṭheng zong kha tam deuh an sak ve, An vawlei nih tam deuh a chuahter paoh ah an biakmi tung thiang kha dawh deuh in an ser ve hna.

HOSEA 2:3

Cu ti a si lo ahcun ka phoih dih lai i a chuah ni i taklawng in a um bantuk khan ka hlih dih sual lai; Ram car bantukin ka tuah lai i thetse car in ka car sual lai i tihal in ka thihter sual lai.

HOSEA 4:19

Thlichia choihtu in choih an si lai i an raithawinak ruangah khan an ning a zak lai.

HOSEA 9:11

Israel sunparnak cu va bangin a zuang lai i Annih nih fa an hring ti lai lo; Pumlawnglo in a ummi nu an um ti lai lo i fa pawi zong an um ti lai lo.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.

NAHUM 2:9

Hranchaw cu an lak hna, ngun le sui hranchaw hna cu; Thil an rak khonmi cu dongh a thiam lo, minung nih an duhmi thil man fak bikbik nih a phak lomi rothil an si.

DEUTERONOMI 33:17

A hrin hmasa bik cawtum cu lianhngannak a ngei i A ki hna cu fung ki an si; Cu ki cun mi kha, an dihlak in, vanhramdeng tiang a suk hna lai; Cu hna cu Efraim mi, sang tampi hna cu an si, Hi hna hi Manasseh mi, thong tampi hna cu an si,” tiah a ti.