HOSEA 12:8 - Lai (Hakha) Common Language Bible 2006

⁸ Asinain annih nih cun an i thawh i, Kannih cu kan rum cang, chawva tampi kan ngei cang; Dinlonak in an rum tiah ahohmanh nih an kan ti kho lai lo, an ti.

HOSEA 12:8 ပူးပေါင်းရင်းမြစ်များ

SALM 52:7

“Himnak hmuhnak caah Pathian aa bochan lomipa hi zohhmanh u, Pathian kha i bochan loin a rumnak pi tu kha aa bochan i a ṭhat lonak tu ah khan himnak a um, tiin a ruah,” an in ti lai.

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

PHUNGTHLÛKBIA 11:1

Cuai deu a hmangmi cu Bawipa nih a huat hna, sihmanhsehlaw tahnak khing ahmaanmi cu a lawmhmi a si.

PHUNGTHLÛKBIA 30:12

Anmah an i hmuhnak ah cun a thiang i, an fihnunnak aa thianh ṭung lomi an um fawn;

PHUNGTHLÛKBIA 30:20

Zumh awk tlak lomi nupi lam cu mah hihi a si: a ei i vaibar lote bangin, “Thil sual zeihmanh ka tuah lo,” a ti.

JEREMIAH 2:23

Zeitindah, ‘Kaa thurhhnawmh lo, Baal kha ka zul hna lo,’ na ti khawh? Nelrawn i na kalnak na lam khi zoh ngat; Na thil tuahmi kha philh hlah ngat. Hrem khawh lomi kalauk-la, a tlik tik i a ping le a pang i a tlimi,

JEREMIAH 2:35

Nangmah nih cun naa thawh i, ‘ka sual lo, a thinhunnak a dam diam cang,’ na ti. Zohhmanh, ‘Ka sual lo,’ na timi cu kan zuam lai.

JEREMIAH 5:27

Va in a khatmi bawm bantukin an inn cu hlennak in a khat. Cucaah annih cu an ngan i an rum,

EZEKIEL 28:5

Chawlehnak i na fimnak thawngin chawva cu naa pon tengtung ko hna i, Na rumnak rup cun na ruamkainak cu a ṭhang.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

HOSEA 14:1

Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.

HOSEA 4:8

Ka mi hna an sualnak kha rumnak ah nan hman i sual chin lengmang hna seh ti nan duh.

AMOS 8:5

nannih nih nan i thawh i, ‘Zeitik ah dah thla thar puai cu a dih lai i kan rawl cu kan zuar lai? Zeitik ah dah sabbath cu a dih lai i kan changvut kha zuar awkah kan chuah lai,’ nan ti. Cun ephah kha hmetter deuh u sih law shekel kha nganter deuh u sih; cun cuailung kha zanter deuh u sih;

HABAKKUK 1:16

Cucaah an sur ngan kha raithawinak an pekchanh hna i an sur kha khangh thawinak an pekchanh hna; Zeicahtiah nun nuam ngaiin an nunnak le rawl tampi an ngeih khawhnak cu an sur hna thawng cun a si.

ZEKHARIAH 11:5

A cawtu hna nih khan an thah hna lai i mawhchiatnak zeihmanh an hmu lai lo; cun a zuartu hna nih khan, “Bawipa cu thangṭhat si ko seh, kan rum cang!” an ti lai. A khaltu tuukhal hna nih khan an cungah zaangfahnak an ngei lai lo.

MALAKHI 2:17

Nan bia in Bawipa cu nan nor cang. Nan i thawh i, “Zeitindah kan nor?” nan ti. Ṭhat lonak a tuahtu vialte hna hi Bawipa mithmuh ah cun an ṭha ko i an cungah a lung aa lawm ko, nan tinak le, khuazei ah dah biading Pathian cu a um, nan tinak thawng hin nan nor cu a si.

MALAKHI 3:13

Ka kongah biahrang kha nan chim, sihmanhsehlaw nan i thawh i, “Zeitindah kan in thangchiat?” nan ti.

LUKA 10:29

Sihmanhsehlaw Phungbia cawnpiaktu sayapa nih cun thiam hun i coh kha a duh i, “Ahodah ka innpa cu a si?” tiah Jesuh kha a hal.

LUKA 12:19

Cun keimah le keimah cu kaa thawh lai i, Mivanṭha pa! Kum tampi caah a za in thil ṭha vialte cu na ngeih cang. Cucaah nuam tein um ko cang, ei law ding law i nuam ko, ka ti lai,’ a ti.

LUKA 16:13

“Sinum pakhat cu bawi pahnih sal a si kho lo: pakhat kha a huat lai i pakhat kha a dawt lai; pakhat sinah zumh awktlak tein a um lai i pakhat kha zei ah a rel lai lo. Pathian le chawva cu nan bawi ah an pahnih in nan kemh kho hna lai lo,” tiah a ti.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

DEUTERONOMI 8:17

Nan lung chungin, ‘Keimah ṭhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.