HOSEA 12:14 - Lai (Hakha) Common Language Bible 2006

¹⁴ Israel mi nih Bawipa kha fak piin a thin an hunter; Annih cu an sualnak ruangah khan thihnak hmuh awk an tlak i Pathian nih a ngaithiam hna lai lo. Bawipa nih a cung i ningzahnak an tluntermi ruangah khan dan a tat hna lai.

HOSEA 12:14 ပူးပေါင်းရင်းမြစ်များ

2 SAMUEL 1:16

Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘Bawipa chiti thuhmi cu ka thah,’ tiin nangmah cung i biahngaltu a si,” tiah a ti.

EZEKIEL 18:10

“Amah nih cun fapa pakhat a ngeih ko hnga i a fapa cu zaang-en hmangmi, lainawng, hi nawlbia zeihmanh i a rel lomi a si ko hnga.

EZEKIEL 18:13

a miak le a karh in lei a cawihmi, hi bantuk mi cu a nung lai lo. Hi thil fihnung vialte hi a tuah hna caah a thi lai i a thisen kha a lu cungah a tla ko lai.

EZEKIEL 33:5

Amah mawh a si ko, zeicahtiah ralrin peknak thawng kha a theih tikah zeihmanh ah a rel lo; rak rel seh law cu a luat ko hnga.

DANIEL 11:18

Khi hnuah rili kamlei le tikulh hnalei ah khan aa mer lai i mi tampi cu sal ah a tlaih hna lai, sihmanhsehlaw ramdang ralbawi pakhat nih ṭhat lonak a tuahmi cu a ngolter lai i ṭhat lonak a tuahmi kha amah cung lila ah a kirter lai.

HOSEA 4:2

Chiatser in biakamnak kha an tuah, sihmanhsehlaw an zul lo, an i that, an i ramh; va cung pa duhnak le zaang-ennak le i thahnak le i nawnnak lawng kha a si ko.

HOSEA 7:16

Keimah kha santlailo pathian leiah an ka mertak. Liza a dormi bantukin santlailo an si. An hruaitu hna kha porhlaw ngaiin bia an chim caah vainam in an thi lai i Izipt ram nih an nihsawh hna lai.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

DEUTERONOMI 18:15

“Nannih lakin, nan unau hna chungin, Bawipa nan Pathian nih nan caah profet pakhat keimah bantuk a chuahter lai i amah cu a bia nan ngaih lai,

DEUTERONOMI 18:18

An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.

DEUTERONOMI 28:37

Cun Bawipa nih an hruai hna lainak mi hna lakah cun nannih cu tuksapur le phungthlukbia le nihchuak capo men ah nan cang lai.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.