HOSEA 10:4 - Lai (Hakha) Common Language Bible 2006

⁴ A chim lawng kha an chim lengmang, Sullam ngei loin chiat kha an ser i biakamnak kha an tuah i Pakhat le pakhat taza i cuainak kha sivai a ngeimi belh leileh rinkhuar ah an khoh bantukin an kho.

HOSEA 10:4 ပူးပေါင်းရင်းမြစ်များ

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

HOSEA 4:2

Chiatser in biakamnak kha an tuah, sihmanhsehlaw an zul lo, an i that, an i ramh; va cung pa duhnak le zaang-ennak le i thahnak le i nawnnak lawng kha a si ko.

HOSEA 6:7

Adam ah ka biakamnak kha an hrawh, Khika ah an ka hlen.

AMOS 5:7

Biading kha a bingtalet in a thlai i, Dinnak kha vawlei ah a hril i,

AMOS 6:12

Rang cu lungpang cungah a tli kho maw? Rili cu cawtum in lei bantukin thuan khawh a si maw? A si kho lo, asinain nannih nih cun biading kha sivai ah nan ser i Dinnak ziaza a man cu a khaami thil ah nan canter.

LAMKALTU 8:23

Zeicahtiah fiang tein ka hmuhmi cu nahchuahnak in na khat i sual thongtla na si,” tiah a ti.

ROM 1:31

an ziaza a ṭhalo, an biakam kha an let lengmang, midang cungah zaangfahnak le zawnruahnak zeihmanh an ngei lo.

DEUTERONOMI 29:18

Nannih lakah mipa siseh, minu siseh, innchungkhar siseh, miphun siseh, Bawipa kan Pathian sinin nihin ah a lung a mer i khi miphun hna pathian hna biak awkah a kal i nannih lakah sivai ngei le a khami thei a tlaimi hram nan um sual nakhnga lo, i ralring tuah u.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

2TIMOTE 3:3

zaangfahnak an ngei lai lo, mi zawnruahnak an ngei lai lo, mi thangchiat duhmi an si lai, ruru-hranghrang in khua a sami an si lai i ṭih a nungmi an si lai; ṭhatnak kha an huat lai;

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.