HOSEA 10:3 - Lai (Hakha) Common Language Bible 2006

³ Annih nih cun an i thawh lai i, “Bawipa kan ṭih lo caah siangpahrang kan ngei lo; Asinain siangpahrang nih cun zei tal a kan tuahpiak kho hnga maw? an ti lai.

HOSEA 10:3 ပူးပေါင်းရင်းမြစ်များ

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

2 SIANGPAHRANG 15:13

Jabesh fapa Shallum cu Judah siangpahrang Uzziah a bawi kum sawm thum le kum kua kum ah pennak a hram a thawk i Samaria ah thla khat a bawi.

SALM 118:9

bawi i bochannak cun Pathian i bochan kha a ṭha deuh.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

ISAIAH 5:19

Nan i thawh i, “Bawipa nih ka tuah lai a timi cu khulrang in tuah tuah ngat seh, kan zoh fom lai ta. Israel Pathian nih cun aa timhmi cu tuah tuah ngat seh. A lung chungah zeidah aa chiah ti cu kan zoh fom lai ta,” nan ti.

HOSEA 10:15

Bethel khuami hna, nan tuahmi thil a ṭha lomi ruangah hihi nan cung i a tlung dingmi cu a si; Khua a dei hrimhrim lai bantukin Israel siangpahrang zong cu hloh a si hrimhrim ve lai.

HOSEA 10:7

Samaria le a siangpahrang cu ti cung i aa vuanmi thing pelpawi bantukin fenh an si;

HOSEA 11:5

Keimah lei i kir ṭhan cu an duh lo caah Izipt ram ah cun pei dik an kal ṭhan ko lai i Assiria mi cu an siangpahrang a si ko lai.

HOSEA 13:10

Siangpahrang kan pe, hruaitu kan pe, tiah nan ka hal. Sihmanhsehlaw cu hna cu khuazei ah dah an um kun?

HOSEA 13:11

Ka thinhun in siangpahrang cu kan pek hna, ka thinlinh in anmah cu ka lak ṭhan hna.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

MIKAH 4:9

Zeicahdah atu hi a lau in nan lau? Siangpahrang nan ngei lo maw? Fimchimtu a tangmi nan ngei lo maw? Zeicahdah nau nganfah a ing liomi nu bantukin a ngerh in nan i ngerh len ko?

JOHAN 19:15

An au i, “That ko! That ko! Vailam ah khenh chih ko!” an ti. Pilat nih cun, “Nan siangpahrang cu vailam ah ka khenh chih ko lai maw?” tiah a hal hna. Tlangbawi upa hna nih cun, “Sizar dah ti lo cu ahohmanh siangpahrang dang kan ngei lo,” tiah an leh.

1 SAMUEL 12:25

Sihmanhsehlaw ṭhat lonak nan tuah ṭheo ahcun, nanmah he nan siangpahrang he nan lo dih ko lai,” tiah a ti.