HOSEA 10:2 - Lai (Hakha) Common Language Bible 2006

² An lungthin a sualmi, hi minung hna cu, an sual ruangah an tuar awk a si. Pathian hrimhrim nih an biakṭheng cu a den dih hna lai i an biakmi an tung thiang cu a hau dih hna lai.

HOSEA 10:2 ပူးပေါင်းရင်းမြစ်များ

1 SIANGPAHRANG 18:21

Cun Elijah cu mi vialte pawngah khan a ra i, “Zei can dah bei lengmang in ruahnak pahnih he nan kal lai? Bawipa cu Pathian a si ahcun, amah cu zul u; sihmanhsehlaw Baal cu Pathian a si ahcun, amah cu zul fawn ko u,” tiah a ti hna. Mi zapi nih cun bia kaa khat hmanh an let lo.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

ISAIAH 44:18

Cu bantuk mi cu an hrut tuk, kan tuahmi kha zei a si ti awk an hngal lo. Biatak hngalh kha an duh lo, an mit an chinhkanh i an lungthin an kharkanh.

JEREMIAH 43:13

Izipt ram chung i a ummi Beth-shemesh i tung thiang hna cu a den dih hna lai i Izipt pathian hna biakinn cu a khangh dih hna lai,” tiah a ti.

EZEKIEL 14:5

Israel mi hna cu an dihlak in an siasal hna nih ka sinin ṭhen ko hna in mising siter ko hna hmanh seh law, ka lehnak hna bia nih an lungthin kha a tlaih hna lai.

HOSEA 12:11

Gilead ah siasal kha an biak hna, cu a biatu hna cu an thi lai. Gilgal ah cawtum kha rai ah an thawi hna, cucaah biakṭheng hna cu lo lak lungpon ah an cang lai.

HOSEA 13:16

Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

HOSEA 7:8

Efraim le ramdangmi an i cawh hi ngaihchia a si, Efraim cu a cheu lawng a hminmi changreu hlum bantuk a si cang.

LEVITIKAS 26:30

Nan khuahrum bo cu ka hrawh hna lai i nan zihmui biakṭheng cu ka hau dih hna lai i nan ruak cu nan siasal hna ruak cungah ka hlonh hna lai i ka nunnak nih an huat hna lai.

MIKAH 5:13

Nan ram chung i nan siasal hna le nan tung thiang hna kha ka hrawh dih hna lai; Nanmah nih nan kut in nan serchommi thil hna hmaiah khan hmaizahnak in nan kun ti lai lo.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

ZEKHARIAH 13:2

Khi ni ah cun ram chung khan siasal min kha ka hloh hna lai i an ruat ti hna lai lo, tiah Bawipa nih a ti; profet hna le thlarau thianglo zong kha ram chung cun ka hloh hna lai.

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

LUKA 16:13

“Sinum pakhat cu bawi pahnih sal a si kho lo: pakhat kha a huat lai i pakhat kha a dawt lai; pakhat sinah zumh awktlak tein a um lai i pakhat kha zei ah a rel lai lo. Pathian le chawva cu nan bawi ah an pahnih in nan kemh kho hna lai lo,” tiah a ti.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

1JOHAN 2:15

Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo.

1 SAMUEL 5:4

Sihmanhsehlaw a thaizing zingkate i an thawh tikah khan, zohhmanh, Dagon cu a boktakhup in vawlei ah Pathian kuang hmaiah a rak tlu ko i Dagon lu bul le a kut bul hna cu innkaba ah an rak ril ko; Dagon cu a pum thlur lawng kha a taang.