HOSEA 10:14 - Lai (Hakha) Common Language Bible 2006

¹⁴ Raltuknak cu nan mi hna cungah a tlung lai i nan ralhau vialte cu an rawk dih lai. Shalman siangpahrang nih Beth-arbel a rak hrawh i Nu le ngakchia a rak thah dih hna ni bantuk kha a si lai.

HOSEA 10:14 ပူးပေါင်းရင်းမြစ်များ

GENESIS 32:11

Cucaah cun ka u Esau kut chung hin ka khamh ko tiah kan nawl. Kanmah doh awk le hrawh awkah, hi nu le ngakchia hna tiang hin hrawh awkah a ra rua tiah ka ruah i ka thin a phang ko.

2 SIANGPAHRANG 17:16

Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.

2 SIANGPAHRANG 17:3

Amah cu Assiria siangpahrang Shalmaneser nih a doh; cun Hoshea kha a tangum ah a cang i ngunkhuai a pek.

2 SIANGPAHRANG 18:33

Miphun hna pathian hna lakah aho tal nih a ram cu Assiria siangpahrang kut chungin a chanh kho bal maw?

ISAIAH 17:3

Israel cu hupphengtu ralhruang zeihmanh a ngei ti lai lo i Damaskas cu amahte in aa ukmi ram a si ti lai lo. Siria mi hna chungin a tangmi hna kha Israel mi hna bantukin ningzak in khua an sa ve lai. Hi bia hi Bawipa nih ka chim,” a ti.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

JEREMIAH 13:14

Cun ralca pakhat le pakhat an i khawn bantukin annih cu ka den cikcek hna lai, pale zong hual lo, fapa hna zong hual loin. An cungah zaangfahnak siseh, velngeihnak siseh, nemnak siseh, ka ngei lai lo; annih hrawh kha kaa sum hrimhrim lai lo,” tiah Bawipa nih a ti.

JEREMIAH 48:41

Khuapi hna cu lak an si lai i ralhruang hna cu tlaih an si lai; Khi ni ah cun Moab ralkap hna lung cu Naunganfah a ing liomi nu lung bantukin a dong lai;

HOSEA 10:15

Bethel khuami hna, nan tuahmi thil a ṭha lomi ruangah hihi nan cung i a tlung dingmi cu a si; Khua a dei hrimhrim lai bantukin Israel siangpahrang zong cu hloh a si hrimhrim ve lai.

HOSEA 13:16

Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

AMOS 3:14

Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

AMOS 3:8

Chiandeih a huk, ahodah ningṭi loin a um kho? Bawipa Pathian nih bia a chim: ahodah chim loin a um kho?

AMOS 9:5

Bawipa ralkapbu Pathian nih vawlei kha a tawngh i a ti dih, A cung i a ummi vialte cu an ro dih; Nail tiva lian bantukin vawlei cu a tho i Izipt Tivapi bantukin a ṭum ṭhan.

MIKAH 5:11

Nan ram chung khua cu ka hrawh dih hna lai i nan ralhau cu ka chimh dih hna lai.

NAHUM 3:10

No-amon zong cu ral ah a tang i sal cannak chungah an kalpi; Lam ṭe ka kip ah khan a fano tete hna cu an den dih hna i a bawi hna cu camcawhfung zuh in an i ṭhen hna i a mingan vialte hna cu cikcin in an khih hna.

NAHUM 3:12

Na ralhau hna cu a hminmi theipi bantuk an si ko, Hninh an si tikah a eitu hna kaa chungah khan an tla.

HABAKKUK 1:10

Siangpahrang cu an nihsawh men ko hna i uk bawi hna cu zeihmanh ah an rel hna lo; Ralhau an hmuh ah an nih a chuak men i raltuknak chuntlung kha an serhnawh duak hna i an lak ko hna.