HOSEA 10:1 - Lai (Hakha) Common Language Bible 2006

¹ Israel mi cu tlai a duh ngaimi phun mitsur ruang bantuk an si, A thei tam deuh a hung tlai paoh ah biakṭheng zong kha tam deuh an sak ve, An vawlei nih tam deuh a chuahter paoh ah an biakmi tung thiang kha dawh deuh in an ser ve hna.

HOSEA 10:1 ပူးပေါင်းရင်းမြစ်များ

1 SIANGPAHRANG 14:23

Zeitintiah annih zong nih khuahrum bo tehna, lungphun tehna, Asherim tehna kha tlang sang kip cung le thinghring tang kip ah an i ser i

JEREMIAH 11:13

Zeicahtiah, maw Judah na pathian cu na khua zat an si; cun Baal sin i raithawinak khanghnak ding caah na sermi biakṭheng hna cu Jerusalem khua chung lam zat an si.

JEREMIAH 11:17

Nanmah an phuntu hna Ralkapbu Bawipa nih, nan cungah ṭhat lonak ka tlunter lai, tiin Baal sin i raithawinak nan khangh i ka thin nan ka phawh tikah khan kan hro hna; sihmanhsehlaw zeicahdah nan cungah harnak kha a tlun ti ahcun, nanmah nih ṭhat lonak nan tuahmi thawngin a si, a ti,” tiah a ti.

JEREMIAH 2:28

Nan ca i nan i sermi nan pathian hna cu khuazei ah dah an si kun? An in khamh khawh hna ahcun, harnak nan ton ni ah cun tho hna ngat seh; Zeicahtiah, maw Judah, na khua le na pathian an i zat.

HOSEA 12:11

Gilead ah siasal kha an biak hna, cu a biatu hna cu an thi lai. Gilgal ah cawtum kha rai ah an thawi hna, cucaah biakṭheng hna cu lo lak lungpon ah an cang lai.

HOSEA 12:8

Asinain annih nih cun an i thawh i, Kannih cu kan rum cang, chawva tampi kan ngei cang; Dinlonak in an rum tiah ahohmanh nih an kan ti kho lai lo, an ti.

HOSEA 13:15

Efraim cu phaikung bantukin hno hluahmah hmanh seh law Nichuahlei thli a sami kha thetse ram lei in ka run hranter lai i an cerh le an tiput vialte cu an car dih lai. A sungmi thil vialte cu a lohpi dih hna lai.

HOSEA 13:2

Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

HOSEA 2:10

Cuticun zei bantuk mihur dah a si kha ka langhter lai i Ahohmanh nih ka sinin amah fir kha an duh ti lai lo.

HOSEA 2:8

Anih nih cun rawl le mitsur hang thar le chiti a petu kha keimah ka si kha a hngal lo i Baal siasal sernak ca i an hmanmi sui le ngun tam piin amah a petu kha keimah ka rak si kha a hngal fawn lo.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

HOSEA 4:7

Tlangbawi nan tam chin lengmang paoh ah ka cung i nan sualnak kha a tam chin lengmang ve. Upatnak nan hmuhmi cu ningzahnak ah ka canter lai.

HOSEA 8:11

Sual thianhnak caah tiin Israel mi nih biakṭheng tam deuh an ngeih deuh paoh ah, sualnak hmun kha a karh chin lengmang ve a si ko!

HOSEA 8:4

Siangpahrang kha an ser hna, sihmanhsehlaw keimah duhning in a si lo, bawi kha an chiah hna, Sihmanhsehlaw keimah hngalh loin an tuah; Annih nih an sui le an ngun in siasal kha an i ser hna.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

NAHUM 2:2

(Bawipa nih Jakob sunparnak le Israel rumra cu a pek ṭhan lio a si; ramhtu nih khan an rak ramh hna i an nge kha an rak phet dih ko nain).

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

FILIPI 2:21

Midang cu anmah rian lawng kha an ruat cio i Jesuh Khrih kong kha an ruat lo.