HOSEA 1:11 - Lai (Hakha) Common Language Bible 2006

¹¹ Cun Judah mi le Israel mi hna cu hmunkhat ah fonh an si lai i anmahte nih hruaitu pakhat kha an i thim lai, cun annih nih ram kha an co lai, Jezreel ni cu a lianngan lai.

HOSEA 1:11 ပူးပေါင်းရင်းမြစ်များ

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

JEREMIAH 30:21

Anmah chung mi kha an uktu ah a chuak lai i Anmah mi hrimhrim kha an bawi ah a si lai. Ahohmanh nih anmah tein an ka naih ngam bal lo caah, Keimah nih amah cu, ka naih, tiah ka ti lai i a ka naih lai, tiah Bawipa nih a ti.

JEREMIAH 30:3

zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

JEREMIAH 30:7

Ṭih a nungmi ni cu a ra lio; cu tluk ṭih a nungmi ni cu a um bal lo, Cu ni cu Jakob tefa hna caah harnak caan a si; Sihmanhsehlaw him tein an chuak ko lai,” tiah a ti.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

JEREMIAH 32:37

Ka thin hun le ka thin linh le ka thin han in ka dawinak hna ram vialte chung khan ka pumh ṭhan hna lai i hi hmun ah hin ka ratpi ṭhan hna lai i ahohmanh nih hnahnawh lo tein ka umter hna lai.

JEREMIAH 50:19

Israel cu a tlon tawnnak hmun ah khan ka kirpi ṭhan lai i Karmel le Bashan ah khan a tlong ṭhan lai; Efraim ram tlang hna le Gilead ram tlang hna cungah khan a paw khim tein rawl a ei lai.

EZEKIEL 39:25

Cucaah hihi Bawipa Pathian bia cu an si: Atu cu Jakob vanṭhatnak kha ka kirter ṭhan lai i ka tlaihchan hna nak kha Israel mi vialte cungah ka langhter lai i ka min thiang kha ka ṭanh lai.

HOSEA 2:1

Na ṭa Ammi le na far Ruhamah cu chim hna law

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

ROM 11:15

Zeicahtiah annih cu hlawt an si hmanh ah pei vawlei cu Pathian hawikom i ser a si cu. Cucaah cun annih cu cohlan an si tikah cun zeidah a si chinchin lai? Mithi hna caah nunnak a si lai.