HEBRU 9:4 - Lai (Hakha) Common Language Bible 2006

⁴ Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.

Laibaibal Thiang (BSI)

⁴ cukaah rimhmui khanghnâk suikheng, biakam kuang a kil kip suiin ṭamhmi a um, biakam kuang chungah mana chiahnâk sui bel le, Âron ṭhiangṭhunh a corhmi le, biakamnâk lungtlap kha a um,

HEBRU 9:4 ပူးပေါင်းရင်းမြစ်များ

1 SIANGPAHRANG 7:50

hrai hna, mei hmihnak hna, kheng kuar hna, zihmui ca kheng tete hna, mei zawhnak hna, sui thiang in sermi hna kha; cun innchung chungchin thiang bik hmun innka ca i sui kapza hna le biakinn ṭuangpi innka hna i sui kapza hna.

1 SIANGPAHRANG 8:21

Cun Izipt ram in a chuahpi hna tikah kan pupa hna he Bawipa nih a rak sermi biakamnak a umnak kuang caah khan, khika ah hmun pakhat ka tuah,” tiah a ti.

1 SIANGPAHRANG 8:9

Israel mi nih Izipt ram in an chuah tikah Bawipa nih annih he biakamnak a tuahnak Horeb tlang i Moses nih a khumhmi lung tlap pahnih hna dah ti lo kha cu, kuang chungah zeihmanh a um lo.

2 CHANRELNAK 5:10

Israel mi nih Izipt ram in an chuah tikah, Bawipa nih annih he biakamnak a tuahnak Horeb tlang i Moses nih biakamnak kuang chungah a khumhmi lungtlap pahnih hna dah ti lo kha cu, biakamnak kuang chungah cun a dang zeihmanh a um lo.

EXODUS 26:33

Thlam inncung thil bahnak tangah khan puanzar cu na chiah lai i biakamnak hngalhter ṭhantu lungtlap chiahnak kuang kha puanzar hnulei ah cun na chiah lai. Puanzar nih khan hmunthiang le hmunthiang bik kha a dan hna lai.

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 32:15

Moses cu aa mer i tlang cung cun a vung ṭum, a kut in biakamnak lungtlap pahnih kha aa put hna i cu lungtlap cu a kap hnih in an i ṭial.

EXODUS 34:29

Moses cu Sinai Tlang cungin biakamnak lungtlap pahnih he a rung ṭum ah khan, Bawipa he kan i chawnh caah ka hmai cu a ceu ti kha a hngal lo.

EXODUS 37:25

Zihmui khanghnak biakṭheng kha anri thing in a ser. Tungvangpalh a si i pe khat le a cheu a sau i pe khat le a cheu a kau, cun pe thum a sang. A ki cu a pum he cun an i peh dih.

EXODUS 39:35

biakamnak hngalhter ṭhantu lungtlap chiahnak kuang, a zawnhnak lang le a chin,

EXODUS 40:3

Biakamnak hngalhter ṭhantu lungtlap hna umnak kuang kha a chungah na chiah lai i puanzar na khuh lai.

LEVITIKAS 16:12

Cun Bawipa hmai i a ummi biakṭheng cung meiṭil in a khatmi mei-laknak-kheng cu a lak lai i rimhmui dip tein denmi zapei hnih he puanzar chungah a luhpi lai i

NAMBAR 17:10

Cun Bawipa nih Moses cu, “Aaron ṭhiangṭhunh cu hngalhternak hmaiah khan va chia ṭhan law, ralchanh hmangmi hna caah hmelchunhnak caah chiah a si lai i keimah cungah an phunzainak cu na donghter lai, an thi sual ai hnga,” tiah a ti.

NAMBAR 17:5

Cun ka thimmipa i a ṭhiangṭhunh cu a corh lai; cu bangin Israel mi hna phunzainak, nangmah cung i an phunzainak cu, ka sinin ka daihter lai,” tiah a ti.

NAMBAR 17:8

Cun, a thaizing ah Moses nih hngalhternak thlam chungah a lut i zohhmanh, Levi phun ca i Aaron ṭhiangṭhunh cu a rak corh i a kuhkulul an chuak i an par i almond thei a hminmi an rak tlai.

DEUTERONOMI 9:11

Cun ni sawm li le zan sawm li a dihnak ah Bawipa nih lungtlap pahnih kha a ka pek hna, biakamnak lungtlap hna cu.

DEUTERONOMI 9:9

Lungtlap hna, Bawipa nih nannih he biakamnak a sernak lungtlap hna, lak awkah tlang cungah ka hung kai tikah khan, tlang cungah khan ni sawm li le zan sawm li ka hung um; rawl zong ka ei lo, ti zong ka ding lo.

BIAPHUAN 11:19

Vancung i a ummi Pathian biakinn cu a hun i a chung i biakamnak an chiahnak kuang kha a lang. Cun nimtlau a lek, ṭek a tla, khua a ri, li aa hnin i fak piin rial a tla.

BIAPHUAN 8:3

A dang vancungmi pakhat, zihmui khanghnak umte pakhat aa putmi kha a ra i biakṭheng pawngah cun a ra dir. Pathian mi hna an thlacamnak i toih awkah le bawiṭhutdan hmai i a ummi sui biakṭheng cung i khangh awkah zihmui tampi an pek.