HEBRU 11:40 - Lai (Hakha) Common Language Bible 2006

⁴⁰ zeicahtiah kan caah Pathian nih khuakhannak ṭha deuh a ngeih caah a si; annih kha kanmah he lawngin tlinnak a hmu kho ding an rak si.

Laibaibal Thiang (BSI)

⁴⁰ Pathian nih annih le kannih â ruang tein tlamtlinter i kan um khawh nâkhnga, a ṭha chinmi thil a kan ruah piak caah a si.

HEBRU 11:40 ပူးပေါင်းရင်းမြစ်များ

HEBRU 11:16

Annih nih an ngaihmi ram cu, ram ṭha deuh vancung ram tu kha a si. Pathian nih an caah khua pakhat a timhpiak hna i cucaah annih nih Pathian cu, kan Pathian, tiin an kawh tikah, Pathian cu a ning a zak lo.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

HEBRU 7:19

Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak ṭha deuh kha a hung phan i cu thawng cun Pathian kha kan naih khawh cang.

HEBRU 7:22

Hi an i dannak nih hin Jesuh cu a ṭha deuhmi biakamnak a fehtertu ah khan a ser fawn.

HEBRU 8:6

Cucaah anmah rian nakin tampi in a ngan deuhmi rian kha Jesuh cu pek a si. Pathian le minung kar ah a sermi biakamnak cu thil ṭha deuh kamhmi ruangah a ngan deuhmi a si bantukin, a tlangbawi rian zong cu, a ngan deuhmi a si ve.

HEBRU 9:23

Atu i kan chimmi thil, vancung thil mui le thlam a simi hna nih hi bantukin thianhnak an herh ahcun, vancung thil hrimhrim, a taktak le a ngaingai a simi hna zong nih khan raithawinak a ṭha deuhmi an herh ve ko.

BIAPHUAN 6:11

Annih cu puan rang pakhat cio an pek hna i, “Tlawm tein i din ko rih u. Nanmah bantukin thihnak a ing ve ding nan salhawi le nan unau hna an tling rih lo,” tiah an ti hna.