HEBRU 11:27 - Lai (Hakha) Common Language Bible 2006

²⁷ Siangpahrang thinhunnak kha ṭih loin Moses cu Izipt ram khan a chuak i cu a chuahtertu cu zumhnak a si; hmuh khawh lomi Pathian kha hmu seh law cu bang, a kir in a kir duh ti lo.

Laibaibal Thiang (BSI)

²⁷ Zumhnâk in bawi thinhun lai zong ṭih loin Ezip ram cu a chuahtâk i hmuh khawh lo cu ahmuh ruangah lungsau in a in ko.

HEBRU 11:27 ပူးပေါင်းရင်းမြစ်များ

SALM 16:8

Bawipa ka sinah a um cu ka hngalh zungzal, amah cu keimah he naihte ah a um i zeihmanh nih an ka hnin kho lo.

EXODUS 11:8

“Cun na bawi vialte hna hi ka sinah an ra lai i ka hmaiah an kun lai i, ‘Nangmah le na mi hna cu va kal ko u,’ tiah an ti lai. Cu hnuah cun hi ram hin ka chuak lai,” tiah a ti fawn. Cun thinhung ngaiin Moses nih Faro cu a chuahtak.

EXODUS 12:11

Cun nan eining cu hi ti hin a si lai: nan puan kha nan i sawihnawt lai i nan kedan kha nan i danh lai i nan ṭhiangṭhunh kha nan i put lai, cuticun khulrang in nan ei lai. Cu puai cu Bawipa ca i Lanhtak Puai a si.

EXODUS 12:50

Israel mi vialte nih khan Moses le Aaron chimmi cu an ngaih i Bawipa nih Moses le Aaron a fialmi hna ning khan an tuah.

EXODUS 4:19

Bawipa nih Moses kha Midian ram ah cun a chawnh i, “Atu cu Izipt ram ah vung kir cang, nangmah thah an duhmi vialte kha an thi cang,” a ti.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 24:13

Sihmanhsehlaw a dongh tiangin a fekmi cu khamh an si lai.

MARKA 13:13

Keimah ruangah mi kip nih an in huat hna lai. Sihmanhsehlaw a dongh tiang a hmunmi cu khamh nan si lai.

MARKA 4:17

Asinain an chungah khan thuk a pil lo i cucaah sau an rau lo. Cu bia ruang i hremnak siseh, harnak siseh, an hung um tikah an i ngol zau.

LAMKALTU 2:25

David nih amah kong hi hi bantukin a rak chim i, ‘Bawipa cu ka hmaiah ka hmuh zungzal ko; Ka orhlei kam i a um caah khan ka awlok a chong lai lo,

1 KORIN 13:7

Dawtnak cu a lung a dong bal lo, zumhnak a ngei, ruahchannak a ngei, a lung a sau i a thin a fual.

2 KORIN 4:18

Kannih nih kan i zohchihmi cu hmuh khawhmi thil hi si loin hmuh khawh lomi thil khi an si. Hmuh khawhmi thil cu caan tawite lawng a nguh, sihmanhsehlaw hmuh khawh lomi thil cu zungzal in a hmun.

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

HEBRU 10:32

Hlan deuh thil umtuning kha ruat hmanh u. Ceunak nan hmuh kate kha va si kaw, kha caan ah khan harnak tampi nan ing, asinain harnak nih khan an tei hna lo.

HEBRU 11:1

Zumhnak ngeih kan ti hi, kan i ruahchanmi kan hmuh ṭheo lai ti kan zumh le a taktak le a ngaingai a simi thil kan mit in kan hmuh khawh lomi hi an um ko ti kan zumh hi a si.

HEBRU 11:13

Hi mi vialte hna hi zumhnak ngei in an thi. Pathian nih a kamhmi hna cu an hmu lo, sihmanhsehlaw lamhlatpi in an rak hmuh i an rak i lawm i vawlei cungah hin khual le a vakvai menmi kan si, an rak ti.

HEBRU 6:15

Abraham cu a lung a sau i cucaah Pathian nih bia a kamhmi kha a hmuh khawh.

JEIM 5:11

Annih nih an in khawh cah, lunglawmmi kan ti hna. Job lungsaunak kha nan theih i Pathian nih a donghnak ah a pek ṭhannak kong kha nan theih. Bawipa cu zaangfahnak le zawnruahnak in a khatmi a si.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.