HEBRU 10:38 - Lai (Hakha) Common Language Bible 2006

³⁸ Ka miding mi hna nih cun an zumh lai i an nung lai; Sihmanhsehlaw ahohmanh aa letmi cu an cungah ka lung aa lawm lai lo,” tiah a ti bang khan a si lai.

Laibaibal Thiang (BSI)

³⁸ Ka miding cu zumhnâk in a nung lai. Hnulei a tawlh ahcun a cungah kâ lawm lai lo.

HEBRU 10:38 ပူးပေါင်းရင်းမြစ်များ

2 SAMUEL 22:22

Zeitintiah Bawipa lam kha kaa tlaih hna i Ka Pathian sinin, sualnak lam zulh awkah kaa ṭhen lo.

SALM 147:11

asinain a lung a tongmi cu amah a ṭihmi le a fekmi a dawtnak aa bochanmi kha an si.

SALM 149:4

Bawipa nih a mi cu a zaangfah hna i santlai lomi kha teinak a pek hna.

SALM 5:4

Nang cu ṭhat lonak tuahnak ah aa lawmmi Pathian na si lo i na hmaika ah ṭhat lonak umter kha na duh lo.

SALM 85:8

Bawipa Pathian i a chimmi bia cu ka ngai lai, hruh lam a simi lam, kan lam kha kan zulh ṭhan lo caah a mi kannih hi daihnak kha a kan kamh.

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

EZEKIEL 18:24

“Cun miding mipa nih a ziaza ding kha a hlawt ko hnga i miṭhalo mipa nih fihnung a phunphun a tuahmi kha a tuah ve ko hnga; mah hihi tuah buin a nung ko hnga maw? Nung hlah, dinnak a rak tuahmi vialte kha hngalhpiak a si lai lo; zumhawktlak loin a nung, a sual i cucaah cun a thi lai.

EZEKIEL 3:20

Asiloah, miding mi pakhatkhat cu a pial kho ko i palhnak kha a tuah khawh ko, cucu a rilhnak a chuahtertu ka siter ko lai; nangmah nih ralrinnak na pek lo caah a thi lai. A sualnak ruangah a thi lai; dinnak a rak tuahmi kha relpiak a si lai lo i a thih ruangah khan nangmah cu kan mawhchiat lai.

EZEKIEL 33:13

Miding mi cu na nunnak khamh a si lai, ka ti tikah ka din ruangah a si, tiin aa ruah sual ko hnga i palhnak kha a tuah ko hnga, cu tikah cun dinnak a rak tuahmi vialte kha pakhat hmanh hngalhpiak a si lai lo; ṭhat lonak a tuahmi ruangah cun a thi ko lai.

HABAKKUK 2:4

Cun a bia cu hihi a si: “A ṭha lomi cu a nung lai lo. Sihmanhsehlaw a dingmi cu a nung lai. Pathian sinah zumhtlak a sinak thawngin a nung lai,” a ti.

ZEFANIAH 1:6

Bawipa kha hnulei an chit i Bawipa kha an kawl lo i ruahnak an hal lo.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

MATTHAI 12:18

“Hika i a ummi hi ka thimmi ka sal a si. Ka dawt i a cung i ka lung a tlingmi a si. Amah cungah cun ka Thlarau kha ka chiah lai i miphun vialte hna sinah ka biading kha a thanh hna lai.

MATTHAI 13:21

Sihmanhsehlaw an chungah hram a thlak lo caah saupi an rau lo. Cu kong i harnak le hremnak an hun ton tikah an i ngol zau.

ROM 1:17

Cucu zeitindah a hung si ti ahcun, Thawngṭha nih cun Pathian nih zeitindah minung kha Amah he aa remter hna ti kha a langhter i Cathiang nih, “Zumhnak thawngin Pathian he aa remmi cu an nung lai,” a ti bang khan, Pathian he i remnak cu a hram in a dong tiang zumhnak thawngin a si.

GALATI 3:11

Atu cu, Nawlbia zulh thawngin ahohmanh nih Pathian he remnak an hmu kho lo ti kha a fiang; zeicahtiah Cathiang nih, “Zumhnak thawngin Pathian he aa remmi lawng an nung lai,” a ti.

1THESALON 2:15

Judah mi cu Bawipa Jesuh le profet hna a rak thattu le kanmah hremnak a kan petu kha an si. Zeitluk in dik Pathian a ngaih an hei chiatter! Annih cu an minung hawi ral an si.

HEBRU 10:39

Kannih cu aa let i a tlaumi kha kan si lo. Zumhnak a ngei i khamhnak a hmumi tu kha kan si.

JEIM 5:6

A sual lomi kha sual nan phawt hna i nan thah hna i an in doh hna lo.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.