HAGGAI 2:7 - Lai (Hakha) Common Language Bible 2006

⁷ Cun miphun vialte cu ka hninh hna lai i an chawhlawn cu nan sinah an rak put lai i hi inn hi sunparnak in ka khahter lai, tiah ralkapbu Bawipa nih a ti.

HAGGAI 2:7 ပူးပေါင်းရင်းမြစ်များ

GENESIS 22:18

Cun vawlei cung miphun vialte nih, na tefa thluachuah ka pek hna bantuk hin thluachuah kan pe ve, tiah an ka nawl lai — hi vialte cu nangmah nih ka nawl na ngaih caah a si,” a ti.

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

1 SIANGPAHRANG 8:10

Cun tlangbawi kha hmunthiang chungin an chuah tikah Bawipa inn cu minmei a khat.

1 SIANGPAHRANG 8:11

cucaah minmei ruangah khan rianṭuan awkah tlangbawi hna cu an dir kho lo; zeitintiah Bawipa sunparnak cu Bawipa inn kha a khat.

2 CHANRELNAK 5:14

caah tlangbawi hna cu rianṭuan awkah khan dir awk an si nain minmei ruangah cun an dir kho lo; zeicahtiah Pathian inn cu Bawipa sunparnak kha a khat.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

SALM 85:9

Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 60:4

I mer law na pawngkam ah khan zeidah a um ti kha zoh tuah. Na mi cu inn i tlun awkah an i pum. Na fapa hna cu lamhla piin an ra lai i na fanu hna cu ngakchia bangin puak cungin an ra lai.

ISAIAH 60:7

Kedar le Nebaioth ram tuu vialte kha raithawinak i hman awkah na sinah an ratpi hna lai i Bawipa lunglawmhternak caah biakṭheng cungah an pekchanh hna lai. Bawipa nih a Biakinn cu a sunparter chinchin lai.

EZEKIEL 21:27

Rawhralnak, rawhralnak! Asi, khuapi cu rawhralnak chungah ka phakter lai. Asinain khuapi dantattu dingah ka thimmi a phak hlan cu hi rawhnak hi a tlung lai lo. Amah sinah cun khuapi kha ka pek lai.

EZEKIEL 31:16

Khor chungah a vung kalmi hna he Sheol ah ka vun kalpi tikah khan, a tluk thawng ah miphun hna cu ka therter hna. Hi vawlei tang hmun hi Eden dum chung thingkung vialte hna le Lebanon thingkung a ṭha bikbik hna le ti nih ṭha tein a cawmmi thingkung hna nih hnangamnak an i laknak hmun a si.

EZEKIEL 38:19

Zeicahtiah ka hamnak hna le ka thinhunnak a linh in a linmi in chiatser in ka chim i cu ni ah cun Israel ram chung dihlak ah lihnin fakpi a um lai.

EZEKIEL 44:4

Chaklei kam kutka, biakinn lei a hoihmi ah khan a hun ka kalpi i Bawipa sunparnak nih Bawipa inn chungah a rak i zelh kha ka hmuh i ka bawk.

HAGGAI 1:8

Tlang ah khin hung kai u law thing hung la u law ka sunparnak ka langhter khawh nakhnga ding, ka ca i aa tlakmi inn pakhat in sa tuah u, tiah Bawipa nih a ti.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

LUKA 19:47

Jesuh nih Biakinn ah khan nifate in a cawnpiak hna. Tlangbawi upa pawl hna le Phungbia cawnpiaktu saya hna le hruaitu pawl nih khan thah an duh,

LUKA 2:27

Thlarau nih a hruainak thawngin Simeon cu Biakinn chungah cun a lut. Ngakchia Jesuh cu a nu le a pa nih, phung nih tuah awk a si tiah a tining in, Biakinn chungah an run luhpi tikah,

LUKA 2:46

A ni thumnak ni ah Biakinn chungah khan an va hmuh i cawnpiaktu Judah mi hna sinah khan a rak ṭhu i an bia kha a rak ngai i bia a rak hal len ve ko hna.

LUKA 20:1

Ni khat cu Jesuh cu Biakinn i mizapi a cawnpiak lio hna le Thawngṭha kong a chimh lio hna ah tlangbawi upa pawl le Phungbia cawnpiaktu saya hna le upa pawl kha an ra i,

LUKA 21:38

Mi vialte cu amah bia ngaih awkah khan Biakinn ah khan zingka tein an kal tawn.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

GALATI 3:8

Pathian nih Jentail mi cu zumhnak thawngin amah he a remter hna lai ti kha Cathiang nih a rak chimchung cang. Cucaah Cathiang nih Thawngṭha cu Abraham kha a rak chimh chung cang i, “Nangmah thawng hin Pathian nih vawleicung mi vialte kha thluachuah a pek hna lai,” a rak ti.

KOLOSE 2:9

Zeicahtiah Pathian sining cu tling khitkhet tein Khrih a minung sinak ah khan a um i