HAGGAI 2:5 - Lai (Hakha) Common Language Bible 2006

⁵ Zeicahtiah Izipt ram in nan chuah i nan sinah biakamnak ka tuah bantuk khan nan sinah ka um ko. Ka thlarau nih an umpi ko hna, ṭih hlah u!

HAGGAI 2:5 ပူးပေါင်းရင်းမြစ်များ

2 CHANRELNAK 20:17

Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna,’ a ti. Nan thinphang hlah u, nan lungdong hlah u; thaizing ah chuahhnawh hna u law Bawipa cu nan sinah a um lai,” tiah a ti.

NEHEMIAH 9:20

Annih cawnpiaknak caah na thlarau ṭha kha na pek hna i na manna kha sianh loin na um hna lo i an tihal a riamh nakhnga ti kha na pek hna.

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

EXODUS 19:4

“Israel mi cu, ‘Izipt mi cungah ka tuahmi thil kha nan hngalh; cun mupi nih a fa kha a thla in a cawi bantukin kan cawi hna i ka sin kan phakpi hna kha nan hngalh fawn.

EXODUS 19:6

Nannih cu tlangbawi bantukin ka rian a ṭuanmi miphun nan si lai i keimah sin i pekchanhmi nan si lai,’ a ti, tiah chim hna. Cucu Israel mi cu na chimh hrimhrim hna lai,” a ti.

EXODUS 24:3

Moses kha a va kal i mi zapi cu Bawipa nawlbia le phunglam vialte kha a va chimh hna. Mi zapi nih khan, “Bawipa nih a chimmi vialte cu kan tuah dih lai,” an ti.

EXODUS 24:8

Cun Moses nih kheng chung thi kha aa lak i mi zapi cu a theh hna. Aa thawh i, “Bawipa nih hi nawlbia vialte hi an pek hna tikah nanmah he a sermi biakamnak a fehtertu cu hi thisen hi a si,” a ti.

EXODUS 34:10

Bawipa nih cun aa thawh i, “Nanmah he biakamnak ka ser lai. Nan mi hna dihlak hmaiah, vawleicung khuazeihmanh ah le miphun aho lak hmanh ah tuah bal lomi khuaruahharnak kha ka tuah hna lai. Na sin i a ummi vialte nih khan Bawipa nih zeidah ka tuah khawh ti kha an hmuh lai, zeicahtiah nangmah caah thil lianngan ka tuah hna lai.

EXODUS 34:8

Moses cu khulrang in a kun i a biak.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:13

Keimah cu Bawipa nan Pathian ka si i ṭhawnnak kan pek hna; ‘Nan thinphang hlah u, kan bawmh hna lai,’ tiah keimah nih ka ti,” a ti.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

ZEKHARIAH 8:13

Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

ZEKHARIAH 8:15

atu zongah hin Jerusalem cung le Judah innchungkhar cungah ṭhatnak tuah awkah khan ka ruah ṭhan; nan thinphang hlah u.

MATTHAI 28:5

Vancungmi nih khan nu cu a thawh hna i, “Nan thinphang hrimhrim hlah u. Vailam tahnak thing i khenhchihmi Jesuh nan kawl ti kha ka hngalh.

LAMKALTU 27:24

‘Paul, na thinphang hlah. Siangpahrang hmaika ah cun na dir ṭhiamṭhiam ko lai; cun Pathian nih amah ṭhatnak thawngin nangmah sinah a kalmi vialte an nunnak hi nangmah kha an pek,’ a ka ti.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

JOSHUA 8:1

Cun Bawipa nih Joshua cu a chawnh i, “Ṭih hlah, na lung zong dong hlah; ralkap vialte kha i lak hna law, tho law, Ai ah cun hung kal tuah; zohhmanh, Ai khua siangpahrang cu a mi he a khua he a ram he na kut chungah kan pek cang;

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

1 SAMUEL 12:20

Cun Samuel nih mi sinah cun, “Ṭih hlah u; hi thil ṭhalo vialte hi nan tuah cang, asinain Bawipa nan zulhnak khan pial loin nan lungthin dihlak in Bawipa rian kha ṭuan tuah u;