HAGGAI 2:3 - Lai (Hakha) Common Language Bible 2006

³ “Hi inn hi hmasa i a rak sunpar lioah a hmumi atu ah hin nan um rih maw? Atu ah hin tah zeidah a lawh cang? Pakpalawng a si cang ko lo maw?

HAGGAI 2:3 ပူးပေါင်းရင်းမြစ်များ

1 CHANRELNAK 22:5

Cun David nih a thawh i, “Ka fapa Solomon hi a ngakchia i zeihmanh a hngal rih lo, cun Bawipa ca i sak dingmi inn cu rumra a um hringhranmi, a minthannak le a sunparnak ram vialte ah a thangmi a si awk a si; cucaah ka rak timhlamh chung lai,” tiah a ti. Cucaah David nih a thih hlanah thilri tampi a damhtak.

EZRA 3:11

cun annih nih Bawipa cu an thangṭhat i an lawmh i, “Bawipa sin i lunglawmhnak chim hi a ṭha; Zeitintiah a fekmi a dawtnak cu Israel leiah zungzal in a hmun,” tiin an i sak tonh. Bawipa inn hram cu bunh a si caah mi vialte nih Bawipa cu an thangṭhat tikah fak piin an au.

EZRA 3:12

Sihmanhsehlaw tlangbawi tampi hna le Levi mi tampi hna le pale innchungkhar lu a si ciomi tampi hna, tar pawl hmasa inn a rak hmutu hna kha cu, inn hram bunh an hmuh tikah khan, mi tampi cu lunglawm in fak piin an au nain, annih cu fak piin an ṭap i,

ISAIAH 64:10

Na khua thiang hna cu thetse ram bantuk an si i Jerusalem cu a rawk i ṭiaotakmi khua a si.

EZEKIEL 7:20

An hlawn ṭhaṭha cu porhlawtnak ah an hman i cu an hlawn cun fihnungmi siasal kha an ser hna. Cucaah an hlawn cu hmunthur bantuk ah ka ser lai i

HAGGAI 2:9

Hi inn a hmanung u sunparnak hi a hmasa u sunparnak nakkhan a ngan deuh lai, tiah ralkapbu Bawipa nih a ti; cun hi hmun ah hin rumnak ka chiah lai,” tiah ralkapbu Bawipa nih a ti.