HAGGAI 2:23 - Lai (Hakha) Common Language Bible 2006

²³ Cu ni ah cun ka sal Zerubbabel, Shealtiel fapa, nangmah cu kan lak lai i kan thim cang caah minkhenhnak kutdong hrolh ah kan ser lai, tiah Bawipa nih a ti, tiah va chim,” a ti. Hihi ralkapbu Bawipa bia a si.

HAGGAI 2:23 ပူးပေါင်းရင်းမြစ်များ

SALM 65:5

Maw Pathian, kan Khamhtu, thla kan cam tikah na kan leh i khuaruahhar thil na tuahmi in na kan khamh. Vawleicung mi vialte le a hla bik rili ral i a ummi hmanh nih an in bochan.

SOLOMON HLA 8:6

Na lung chungah ca bangin ka khenh ko ai law Val dang pom ser loin keimah lawng ka pom ai ko. Dawtnak cu ee thihnak tluk ṭhawng ve, Nahchuahnak nih thli bang a hrang tuk ai! Dawtnak nih cun mei bangin hlio kaw meizik nakin ṭhawng deuh ai.

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 43:10

“Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

ISAIAH 49:16

Jerusalem, nangmah cu kan philh kho bal lai lo, na min cu ka zapei cungah kaa ṭial cang.

JEREMIAH 22:24

“Ka nun bangin,” tiah Bawipa nih a ti: Jehoiakim fapa Koniah, Judah Siangpahrang cu ka orhlei kut cung i min khenhnak kutdonghrolh na si ti lai lo. Koniah, nangmah cu kan phawi lai.

MATTHAI 12:18

“Hika i a ummi hi ka thimmi ka sal a si. Ka dawt i a cung i ka lung a tlingmi a si. Amah cungah cun ka Thlarau kha ka chiah lai i miphun vialte hna sinah ka biading kha a thanh hna lai.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

1 PETER 2:4

Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.