HAGGAI 2:22 - Lai (Hakha) Common Language Bible 2006

²² pennak bawiṭhutdan hna hi ka hninh dengmang cang hna; miphun hna ṭhawnnak cu ka hrawh dengmang cang i an rangleng hna le an cung i aa citmi ralkap hna cu ka thluk dengmang cang hna; cun rangtum hna le an cung i aa citmi ralkap hna cu anmah le an hawi vainam cio khan an thi lai,’ tiah ralkapbu Bawipa nih a ti.

HAGGAI 2:22 ပူးပေါင်းရင်းမြစ်များ

2 CHANRELNAK 15:6

Phun khat le phun khat, khua khat le khua khat an i do i an kek an kuai dih, zeicahtiah Pathian nih harnak phun zakip in harnak a pek hna.

2 CHANRELNAK 20:22

Cun annih nih hlasak le thangṭhat kha an thawk tikah Bawipa nih Ammon, Moab le Seir Tlang mi, Judah tuk awk i a rami hna kha lamhruang a ahter hna i cucaah an sung dih.

2 CHANRELNAK 20:23

Zeitintiah Ammon mi le Moab mi hna nih khan Seir Tlang mi kha an tuk hna i an hloh cikcek hna, cun Seir i a ummi hna cu an thah dih hna hnuah anmah le anmah cu an i nawng dih.

SALM 46:9

Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

SALM 76:6

Na ṭhih hna tikah maw Jakob Pathian, an rangtum vialte le an rangcung ralkap vialte cu an ril dih!

EXODUS 14:17

Izipt mi kha an lung ka hahter hna lai i rili chungah cun an dawi hna lai; cun Faro le a ralkapbu vialte le a rangleng hna cu ka tei hna lai i cu ka tei hnanak nih cun upatnak a ka pek lai.

EXODUS 14:28

Ti cu a kir i Israel mi a dawitu vialte hna, rangleng vialte hna le a mawngtu vialte hna le Faro ralkapbu vialte hna kha a phum dih hna, pakhat hmanh an tang lo.

EXODUS 15:19

Faro rangtum hna cu a rangleng le a mawngtu hna he khan rili chungah an lut i Bawipa nih ti cu a kir ṭhan i a khuh dih hna. Sihmanhsehlaw Israel mi cu rili chung khan vawlei ro cungin an kal.

EXODUS 15:4

“Faro rangleng hna le ralkapbu cu rili ah a paih hna, a bawi ṭhawng bikbik hna cu Rili Sen chungah an thi.

ISAIAH 19:2

Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

ISAIAH 60:12

Sihmanhsehlaw na rian an ṭuanpiak duh lomi miphun hna cu hrawh cikcek an si lai.

ISAIAH 9:19

Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang.

EZEKIEL 21:27

Rawhralnak, rawhralnak! Asi, khuapi cu rawhralnak chungah ka phakter lai. Asinain khuapi dantattu dingah ka thimmi a phak hlan cu hi rawhnak hi a tlung lai lo. Amah sinah cun khuapi kha ka pek lai.

EZEKIEL 26:16

Cun rili uktu bawi vialte hna cu an bawiṭhutdan cung khan an rung ṭum lai i an puan kha an i chiah hna lai i ṭamhmi an puan kha an i phoih hna lai. A hratmi biar kha an i kaih lai; vawlei ah an ṭhu lai i na cung i a tlungmi thil ruangah khan khuaruahhar lungmit in an um lai.

EZEKIEL 38:21

Gog doh awkah ka tlang hna cungah vainam kha ka auh lai i annih cu anmah le anmah kha pakhat le pakhat vainam in an i sam lai, a ti. Hihi Bawipa Pathian chimmi bia a si.

EZEKIEL 39:20

Ka cabuai ah cun rangtum le an cung i aa citmi ralkap hna le raltu miphun vialte hna sa kha vuai tein ei tuah u,’ ti hna,” tiah a ka ti. Mah hihi Bawipa Pathian bia hrimhrim a si.

DANIEL 8:25

Amah cu a zer caah zernak in khua a khanmi ah khan a hlawh a tling lengmang lai; Thil ngan pipi kha a lung chungin a ruah a khan hna lai i Bawi vialte Bawipa hmanh kha a zuam lai i amah cu tei a si lai nain minung kut in a si lai lo.

AMOS 2:15

Thal kah thiammi kha fek tein a dir kho hlei lai lo, Khulrang in a le khomi zong kha a luat hlei lai lo. Rangcung ralkap zong kha amah le amah aa khamh kho hlei lai lo.

MIKAH 5:10

Khi ni ah cun nan rangtum vialte hna le nan rangleng vialte hna cu ka hrawh dih hna lai.

MIKAH 5:15

Ka thinhun le ka thinlinh in, ka nawl a ngai lomi miphun vialte cu phu ka hlam dih hna lai.

MIKAH 5:8

Israel mi a cheukhat cu miphun hna lakah khan, Tu chung le phong i rawl a kawlmi chiandeih bantukin an si lai; Tuurun lak i thlahmi chiandeih no bantuk an si lai. An lakah khan a vung lut i a nam hna i a thleh a bauh dih hna i anmah chanhtu ding ahohmanh an um lo.

MIKAH 5:9

Israel nih cun a ral kha a tei dih hna lai i a hrawh dih hna lai.

MIKAH 7:16

Miphun dang hna nih khan hmu hna seh law an thazang an i bochanmi kha ṭhawng ko hmanh seh law an thinphang hna seh; An kaa kha i cip hna seh law an hna kha i phit hna seh,

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.

ZEKHARIAH 10:11

Zufrates tiva cungah a fakmi harnak a tlung lai i a ṭhawngmi a ti kha a tuk hna lai; Nail tiva a thuknak vialte cu an kao dih lai. Assiria ruamkainak cu ṭhumh a si lai i Izipt bawifung cu a lo lai;

ZEKHARIAH 10:5

Annih cu ralkap bantuk an si lai i raltuk hmun lam cet lak i aa nang lenmi bantuk an si lai; Bawipa cu an sinah a um caah an ral kha an tuk hna lai i Rangcung ralkap hna kha ningzak in an hloh hna lai.

ZEKHARIAH 12:9

Khi ni ah cun Jerusalem doh awk i a rami miphun vialte hna hrawh awkah khan kaa thawh lai;

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

ZEKHARIAH 9:10

Efraim in rangleng kha a dawi dih hna lai i Jerusalem in raltuknak rangtum kha a dawi dih hna lai; Ralkap likuk kha hlonh dih an si lai. Miphun kip sinah khan daihnak in bia a chim lai i A pennak cu rili in rili tiang a phan lai. Zufrates tiva in vanhramdeng tiang a phan lai.

MATTHAI 24:7

Ram khat le ram khat an i do lai, peng khat le peng khat an i tu lai. A kenkip ah mangṭam le lihnin a tlung lai.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.

1 SAMUEL 14:16

Cun Saul ralvengtu hna, Benjamin mi khua Gibeah i a ummi hna nih khan an hei zoh i, zohhmanh, mi bupi cu hilei khilei ah an i cavai len ko.