HABAKKUK 3:8 - Lai (Hakha) Common Language Bible 2006

⁸ Maw Bawipa, tiva hna cungah na thin a hung maw? Na thin hunhnawhmi cu tiva cu an si maw? Nangmah nih na teinak rangleng a hnuktu rangtum hna cu na chiah hna tikah, Na thinhunnak cu Rili cungah a si maw?

HABAKKUK 3:8 ပူးပေါင်းရင်းမြစ်များ

SALM 104:3

cunglei i a ummi ti cungah khin na inn cu na sak. Khuadawm cu rangleng ah na hman hna i thlitu cu an thla cung cit awkah na hman hna.

SALM 114:3

Rili Sen nih a rak zoh hna i an zamtak hna, Jordan Tiva cu luang loin a rak um.

SALM 114:5

Rili, zei nih dah an zamter? Jordan Tiva, zeicahdah luang loin na um?

SALM 18:10

Cherubim kha aa cit hna i a rung zuang, thlitu kha a thla in aa cit i khulrang in a choi.

SALM 45:4

Biatak le biading kha hmunhter awkah na tei tiang lianhngannak in hmailei ah kal tuah. Na ṭhawnnak nih teinak ngan pipi an hmuhpiak lai.

SALM 68:17

A ṭhawngmi a rangleng thong tampi he Bawipa cu Sinai Tlang in a ra i a hmunthiang ah cun a lut.

SALM 68:4

Pathian cu hla in thangṭhat u, a min cu thangṭhat u; khuadawm aa citmi caah cun lam kha ser tuah u. Amah a min cu Bawipa a si — amah hmaiah cun i lawm tuah u!

SALM 77:16

Maw Pathian, ti nih an in hmuh tikah an thin a phang i rili tawne hna cu an ther.

EXODUS 14:16

Na ṭhiangṭhunh kha hler law rili cungah khan na kut samh tuah, cun rili kha aa ṭhen lai i Israel mi cu rili chung khan vawlei ro cungin an kal kho lai.

EXODUS 7:19

Bawipa nih Moses cu a thawh i, “Aaron kha, ‘Na ṭhiangṭhunh cu Izipt ram chung ti vialte cungah hler tuah, tiva si hna seh, tilak si hna seh, tidil si hna seh, an cungah hler tuah. Ti cu thisen ah an i cang dih lai i ram chungah khan a dihlak in thisen a um lai, thing tikuang le lung tikuang hmanh ah thisen cu a um lai,’ tiah chim,” a ti.

EXODUS 7:20

Moses le Aaron nih cun Bawipa nih a fial hna bang khan an tuah. Faro le a bawi hna hmaiah cun Aaron nih khan a ṭhiangṭhunh cu a hler i tiva kha a tuk, a chung ti vialte kha thisen ah an cang dih.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

ISAIAH 66:15

Bawipa cu mei he a ra lai. A thin a huntertu hna dantat awkah ṭotho a run i cit lai i a ra lai.

NAHUM 1:4

Rili kha a sik i a carter dih, tiva vialte kha a kaoter dih hna. Bashan le Karmel cu an uai i Lebanon i thing corh no hna cu an car.

HABAKKUK 3:15

Rili cu na rangtum hna he nan tan tikah a ṭhawngmi ti cu a so in a so.

MARKA 4:39

Jesuh cu a tho i thlitu cu, “Hrang ti hlah,” tiah nawl a pek i tilet cu, “Dai tuah,” tiah a ti. Thli cu a dai zuahmah i rili cu dai zirziar tein a um.

BIAPHUAN 16:12

Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

BIAPHUAN 19:14

Vancung ralkap bu nih khan rang rang cungin an zulh i puan rang in an i thuam.

BIAPHUAN 6:2

Ka hun zoh i rang rang pakhat ka hmuh. A cung i aa citmi nih cun likuk pakhat aa put i amah cu bawiluchin pakhat an pek. Teitu nih tei awkah aa thawh bantukin aa thawh.