HABAKKUK 3:2 - Lai (Hakha) Common Language Bible 2006

² Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.

HABAKKUK 3:2 ပူးပေါင်းရင်းမြစ်များ

EZRA 9:8

Sihmanhsehlaw atu cu caan tawite chung kha Bawipa kan Pathian nih zaangfahnak kan cungah a langhter, kannih cu Pathian nih kan mit kha a ceuter i kan saltannak chungah khan nun ṭhannak tlawmte a kan pek nakhnga, a tangmi a kan nganhpiak i a hmunthiang chungah a himmi hmun a kan pek.

JOB 42:5

Hna theihnak lawngin nangmah cu ka rak in theih, Sihmanhsehlaw atu cu ka mit in kan hmuh cang;

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

SALM 25:6

Maw Bawipa, hlan piin ka cungah na rak langhter tawnmi na dawtnak fek le na zaangfahnak cu philh hna hlah.

SALM 38:1

Bawipa, na thinhung hlah law, ka si hlah. Na thinhun in dan ka tat hlah.

SALM 44:1

Maw Pathian, hlan lio pi ah na rak tuah bantukin kan pupa hna chan ah thil lianngan na tuahmi kha kan hna hrimhrim in kan theih i kan pupa hna zong nih an kan chimh:

SALM 71:20

Ka cungah harnak le nganfahnak kha na tlunter, sihmanhsehlaw nangmah nih ka thazang kha na ka pek ṭhan lai i thlan chungin na ka khamh lai.

SALM 78:38

Asinain Pathian cu a mi hna cungah khan zaangfahnak a ngei, an sualnak kha a ngaihthiam hna i a hrawk hna lo. Thinhun kha voi tampi aa sum i a thinlinhnak kha voi tampi chuahter loin a um.

SALM 85:6

Thazang thar kan pe law, na mi nih kan in thangṭhat lai.

ISAIAH 53:1

Mi nih khan an leh i, “Atu i kan chimmi hi aho nih dah an rak kan zumh khawh hnga? Hi thil ah hin Bawipa kut aa tel kha aho nih dah an hmuh khawh hnga?

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

JEREMIAH 10:24

Maw Bawipa, kan remh tuah, Sihmanhsehlaw dinnak in si seh, Na thinhun in cun si hlah seh, Zeicahtiah zeihmanhlo ah na kan canter sual hnga.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

JEREMIAH 46:28

Bawipa nih, ṭih hlah, maw Jakob, ka sal, Zeicahtiah na sinah ka um ko. Nanmah kan dawi hnanak miphun hna cu an donghnak phakter hna hmanh ning law nannih cu kan donghter hna lai lo. Nan i tlak bantukin dan in tat hna hmanh ning law, A hloh cu kan hlo hna lai lo, tiah a ti.

ṬAHNAK HLA 3:32

Fak piin dan a tat hna lai nain A dawtnak a tam rup in an cungah zaangfahnak a ngei lai;

DANIEL 8:17

Gabriel cu a ra i ka pawngah khan a dir i ka ṭih tuk caah vawlei ah ka tlu. Sihmanhsehlaw a ka chawnh i, “Maw mipa, langhnak na hmuhmi hi vawlei donghnak kong a si,” tiah a ti.

DANIEL 9:2

keimah Daniel cu cathiang kha ka rel i Bawipa nih profet Jeremiah sinah a chimmi bia ningin Jerusalem khua cu kum sawm sarih chung a rawk lai timi kong kha ka ruat.

HABAKKUK 3:1

Profet Habakkuk thlacamnak, Shigionoth aw in:

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

JOHAN 10:10

Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra.

ROM 10:16

Sihmanhsehlaw annih nih an dihlak cun Thawngṭha cu an pom lo. Isaiah hrimhrim nih khan, “Bawipa, ahodah kan bia cu a zum?” a rak ti.

FILIPI 1:6

Cucaah cun, nan chungah hi rian ṭha a thawktu Pathian nih, Khrih Jesuh Ni ah hi rian cu a lim tiangin, a ṭuan zungzal lai.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

HEBRU 12:21

An hmuhmi cu ṭih a nun tuk caah Moses nih, “A ther in ka ther i ka thin a phang,” a ti.

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.