HABAKKUK 3:14 - Lai (Hakha) Common Language Bible 2006

¹⁴ Na hriamnam in a lu cu na hliam i amah a zultu hna cu a sin khan thlichia nih a choih hna. Sifakmi hna cu an i thuhnak hmun ah khan ei awkah annih nih an kaa an i aan.

HABAKKUK 3:14 ပူးပေါင်းရင်းမြစ်များ

SALM 10:8

Khuate ah khan aa thup riangmang i a sual lomi kha a nawn hna. Thah a duhmi kha aa ngiat hna i;

SALM 83:2

Zohhmanh, na ral cu an cawl an cang i nangmah an huatu cu nangmah doh awkah an i tim len ko.

EXODUS 1:22

Cu tikah Faro nih a mi vialte kha nawl a pek hna i, “Hebru mi nih fa an hrinmi pa paohpaoh cu tiva ah nan hlonh dih hna lai, nu lawnglawng kha nan nunh hna lai,” tiah a ti hna.

DANIEL 11:40

Cun Siria siangpahrang cu a caan a dih dengmang tikah Izipt siangpahrang nih khan a tuk lai i a ṭhawnnak vialte khan a rak doh ve lai — a rangleng hna le a rangtum hna le a tilawng kha a hman hna lai. Izipt ram cu tilian bantukin a luhhnawh lai.

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.