HABAKKUK 2:9 - Lai (Hakha) Common Language Bible 2006

⁹ Rawk ding nan si ko cang! Hranhram in mi nan va chuhmi hna thil khan nan innchungkhar nan rumter i harnak le ṭihnung nih phak khawh lo dingin him tein nan tuah!

HABAKKUK 2:9 ပူးပေါင်းရင်းမြစ်များ

SALM 49:11

Thlan cu zungzal in an umnak ding hmun a si ko lai i cuka ah cun a zungzal in an um ko lai. Hmun le ram kha an rak ngei ko lai nain an chaw le an va cu midang sin i an kaltak a hau ṭhiamṭhiam ko lai.

SALM 52:7

“Himnak hmuhnak caah Pathian aa bochan lomipa hi zohhmanh u, Pathian kha i bochan loin a rumnak pi tu kha aa bochan i a ṭhat lonak tu ah khan himnak a um, tiin a ruah,” an in ti lai.

ISAIAH 28:15

Thihnak he hnatlaknak kan tuah cang i mithi khua he biakamnak kan tuah cang tiah nan i porhlaw. Lih le hlennak nih an kan huhphenh khawh lai tiah nan i bochan hna caah harnak a tlun tikah kan luat lai tiah nan i ruat.

ISAIAH 5:8

Nan lo cang! Nan ngeih cia ah khan inn thar le lo thar lawng nan i chap chin luaimai ko. Midang caah hmun a dih zau cang lai i ram chungah hin nanmah pi lawng khua nan sa lai.

JEREMIAH 17:11

Dinlonak in chawva a ngei luaimaimi cu Amah ti a si lomi ti a bu chungah a tlummi vaking bantuk a si, A chan ṭim hlanah a chawva cu a kaltak ko hna lai i A donghnak ah cun mihrut a si kha amah nih a langhter ko lai.

JEREMIAH 22:23

Maw Lebanon i a ummi hna, Sidar thing lak i bu a sami hna, Nau nganfahnak bantuk nganfahnak nan cung i a phak tikah, Zeitluk in dik nan hei i lawngh len te lai!

JEREMIAH 49:16

Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan ṭhumh lai,” tiah Bawipa nih a ti.

JEREMIAH 51:13

Maw khuapi rum, ti tampi pawng i khua a sami, Na donghnak cu a phan cang, na nunnak hri cu a cat cang.

JEREMIAH 51:53

Babilon cu van tawng in sang in, A kulhnak vampang hna cu ahohmanh kai khawh loin ser si hna hmanh seh law, A cungah hrawktu ka thlah hna lai, tiah Bawipa nih a ti.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

OBADIAH 1:4

Na umnak cu muvanlai bu tlukin sang in, na bu cu arfi hna lakah khin si ko hmanh seh law, Khika khin kaan ṭhumh ṭhiamṭhiam ko lai,” tiah Bawipa nih a ti.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.