HABAKKUK 2:6 - Lai (Hakha) Common Language Bible 2006

⁶ Teimi hna nih khan an teitu hna kha an nehsawh hna lai i zei i an rel hna lai lo kha an langhter lai. An thawh hna lai i, “Nanmah ta a si lomi thil kha nan i lak, asinain nan rawk ṭhiamṭhiam ko lai; Lei a batu hna kha hranhram in, ka pe ko, tiah nan cawh peng hna, Cuticun zei can tiang dah rum chin lengmang nan i timh lai?

HABAKKUK 2:6 ပူးပေါင်းရင်းမြစ်များ

SALM 94:3

Miṭhalo pawl hi zei can dah an i lawmh lai? Zei can dah an i lawmh ko rih lai, Maw Bawipa.

PHUNGTHLÛKBIA 22:16

Sifak mi hrem cu miaknak a si sawk ko lai, sihmanhsehlaw mirum sin, i ser cu sifahnak a si.

ISAIAH 10:13

Assiria siangpahrang nih cun aa thawh i, “Hi vialte hi keimah tuahmi an si dih. Kei cu ka ṭhawng, ka fim, i a zer zong ka zer. Ram khat le ram khat karlak i ramri cu ka hloh dih hna i an i khonmi thilri cu ka chuh dih hna. Cuka i khua a sami hna cu cawtum bantukin ka naan hna.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

ISAIAH 5:8

Nan lo cang! Nan ngeih cia ah khan inn thar le lo thar lawng nan i chap chin luaimai ko. Midang caah hmun a dih zau cang lai i ram chungah hin nanmah pi lawng khua nan sa lai.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

JEREMIAH 17:11

Dinlonak in chawva a ngei luaimaimi cu Amah ti a si lomi ti a bu chungah a tlummi vaking bantuk a si, A chan ṭim hlanah a chawva cu a kaltak ko hna lai i A donghnak ah cun mihrut a si kha amah nih a langhter ko lai.

JEREMIAH 29:22

Jerusalem in Babilon ah sal ah kalpimi hna nih, chiat ser an duh tikah, ‘Babilon siangpahrang nih a nung in a kiaomi Zedekiah le Ahab bantukin Bawipa nih na cungah tuah seh,’ tiah an ti lai.

JEREMIAH 50:13

Bawipa thinhunnak ruangah Babilon ah cun ahohmanh an um lai lo, A ṭiao dih cikcekmi hmun a si ko lai; A pawng i a kalmi paoh cu an tuksa a purh hna lai i a cung i a tlungmi ruangah an khuaruah a har lai.

EZEKIEL 32:21

Faro le a bawmtu hna cu Sheol i ralbawi nih hi bangin a chawnh hna lai; Thazang a ngei lomi mithi, vainam nih a thahmi hna cu an rung i an it.

MIKAH 2:4

Cu ni a phak tikah nan konglam hi mi nih rawhralnak tahchunhnak ah an hman lai i hi ngaihchiatnak hla hi an sak lai i Kan rawk cikcek cang! Bawipa nih kan ram cu a lak cang. Sal i a kan tlaitu kha a pek cang hna, an ti lai.

HABAKKUK 1:15

Ngatlaitu hna nih khan sio in an sio hna, sur sau in an hnuh hna i sur in an pumh hna, Cun an tlaihmi kha a tam caah an i lawm i an lam.

HABAKKUK 2:12

Rawk ding nan si ko cang! Thisen chuahnak in khua cu nan tlak i sualnak cungah a hram cu nan bunh.

HABAKKUK 2:13

Nan teimi miphun hna nih fak piin an rak ṭuanmi cu pakpalawng ah nan ser i an rak sakmi cu meizik in nan khangh dih. Hihi a tuahtu cu ralkapbu Bawipa a si.

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.