HABAKKUK 2:4 - Lai (Hakha) Common Language Bible 2006

⁴ Cun a bia cu hihi a si: “A ṭha lomi cu a nung lai lo. Sihmanhsehlaw a dingmi cu a nung lai. Pathian sinah zumhtlak a sinak thawngin a nung lai,” a ti.

HABAKKUK 2:4 ပူးပေါင်းရင်းမြစ်များ

SALM 49:18

Hi vawleicung a nun chungah hin saduhthah in nung kho hmanh seh law khua awng a ton ruangah thangṭhatnak hmu hmanh seh law

ISAIAH 13:11

Bawipa nih aa thawh i, “Vawleicung ah rawhralnak ka tlunter lai i miṭhalo vialte cu an sualnak ruangah khan dan ka tat dih hna lai. Aa porhlawmi paohpaoh kha ka ṭhumh hna lai i a lung a puammi le ruam a kaimi vialte cu dan ka tat hna lai.

EZEKIEL 18:9

Dinlonak kha a hrial i pakhat le pakhat karlak ah aa buaktlak tein a um. Ka nawlbia kha a zulh hna i ka phungbia kha fel tein a tuah hna. Cu bantuk mi cu miding an si: amah cu a nung lai, tiah Bawipa Pathian nih a ti.

DANIEL 11:12

Cuticun ral a teinak cu aa porhlaw lai i ralkap tampi a thahmi hna ruangah cun tluang a khawng lai, sihmanhsehlaw teitu a si zungzal ve lai lo.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

LUKA 18:14

Hihi kan chimh hna: Farasi mipa kha si loin hi pa tu hi a sualnak ngaihthiam in inn ah a ṭinmi cu a si. Zeicahtiah amah le amah aa ngantermi cu ṭhumh an si lai i mi tangah aa dormi cu mi ngan ah ser an si lai,” tiah a ti.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

ROM 1:17

Cucu zeitindah a hung si ti ahcun, Thawngṭha nih cun Pathian nih zeitindah minung kha Amah he aa remter hna ti kha a langhter i Cathiang nih, “Zumhnak thawngin Pathian he aa remmi cu an nung lai,” a ti bang khan, Pathian he i remnak cu a hram in a dong tiang zumhnak thawngin a si.

GALATI 2:16

Asinain minung hi Pathian he an i remnak cu Jesuh Khrih an zumhnak thawngin a si i Nawlbia nih tuah u a timi tuahnak thawngin a si bal lo ti kha kan hngalh. Kannih zong, Nawlbia nih tuah u, a timi tuahnak thawngin si loin Khrih kan zumhnak thawngin Pathian he remnak kan hmu lai ti caah Jesuh Khrih kha kan zumh. Zeicahtiah Nawlbia nih tuah u, a ti mi tuahnak thawngin ahohmanh nih Pathian he i remnak an hmu lo.

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

HEBRU 10:38

Ka miding mi hna nih cun an zumh lai i an nung lai; Sihmanhsehlaw ahohmanh aa letmi cu an cungah ka lung aa lawm lai lo,” tiah a ti bang khan a si lai.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.