HABAKKUK 2:20 - Lai (Hakha) Common Language Bible 2006

²⁰ Bawipa cu a biakinn thiang chungah a um, vawleicung mi vialte hna a hmaiah dai zirziar in um tuah u.

HABAKKUK 2:20 ပူးပေါင်းရင်းမြစ်များ

JOB 37:20

Pathian cu, cu tik kha tikah bia na chim awk a si, tiah minung aho tal nih an ti kho maw? Thawng na thanh awk a si, tiah tah nawl an pe kho maw?

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

SALM 115:3

Kan Pathian cu vancung ah khin a um i a duhmi paoh kha a tuah ko.

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

ISAIAH 41:1

Pathian nih, “Lamhlatpi i a ummi ram hna, dai tein um u law ka bia ngai tuah u. Biaceihnak hmun i nan bia chim awkah i tim tuah u. Chimnak caan nan ngei lai. Ahodah a hmaan ti khiah awkah hmunkhat ah ṭhu ṭi tuah u sih.

ISAIAH 6:1

Siangpahrang Uzziah a thih kum ah khan Bawipa cu ka hmuh. A sang i aa hlorhmi a bawiṭhutdan cungah khan a ṭhu i a puan cu biakinn kha a khat.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

ISAIAH 66:6

Ngai hmanh u! Khua chung i aw thawng cu, Biakinn chung i thawng cu, Bawipa nih a ral dan a tat hnanak thawng a si.

JONAH 2:4

Na mit hmuhnak khan hlonh ka si cang i na biakinn thiang cu zeitikhmanh ah ka hmu ti lai lo, tiah ka ruah.

JONAH 2:7

Ka nunnak kha a dih riahmah cang ti kha ka hngalh tikah, Maw Bawipa, nangmah cu kan hngalh ṭhan i ka thlacamnak cu na sinah na biakinn thiang chungah khan a phan ṭhan.

MIKAH 1:2

Mi vialte hna, nan dihlak in ngai tuah u; Maw vawlei le a chung i a ummi vialte hna nan hna chi tuah u, Zeitintiah Bawipa Pathian nih nannih cu sual phawt awkah a biakinn thiang chung khan bia a run chim.

HABAKKUK 3:1

Profet Habakkuk thlacamnak, Shigionoth aw in:

ZEFANIAH 1:7

Bawipa ni cu a nai caah Bawipa hmaiah dai tein um u! Bawipa nih raithawinak kha a timh cang i a sawmmi hna cu a thianter cang hna.

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.