HABAKKUK 2:2 - Lai (Hakha) Common Language Bible 2006

² Cun Bawipa nih a ka leh i, “Langhnak na hmuhmi cu ṭial tuah, Lungtlap ah khan ṭial law a reltu nih tlikpah hmanh in an rel khawh nakhnga fiang tein ṭial tuah.

HABAKKUK 2:2 ပူးပေါင်းရင်းမြစ်များ

ISAIAH 30:8

Hi miphun hi zeidah an lawh ti kha cauk pakhat chungah a ṭial in na ṭial lai i cu na ṭialmi cu an ca i a hmunmi tehte a si lai, tiah Pathian nih a ka ti.

ISAIAH 8:1

Bawipa nih a ka thawh i, “Ca ṭialnak tlap a nganmi pakhat in i lak law cafang puam pipi in, ‘Maher-shalal-hash-baz’ tiah ṭial.

JEREMIAH 30:2

Hihi Bawipa, Israel Pathian bia cu a si: Na sin i ka chimmi bia vialte kha cauk chungah ṭial tuah,

DANIEL 12:4

Sihmanhsehlaw Daniel, hi bia cu bia thli ah chia hna law donghnak caan a phak hlantiang cauk cu phit ko. Mi tampi cu lungdong in an um lai i dantatnak cu a rit ngaingai lai,” tiah a ti.

DANIEL 7:1

Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:

ROM 15:4

Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.

1 KORIN 14:19

Sihmanhsehlaw pumhnak ah cun midang cawnpiaknak ding caah, holhtheihlo in bia thong hra chim nakin theihmi holh in bia fang nga ka chim deuh lai.

2 KORIN 3:12

Hi ruahchannak kan ngeih caah hin kan ral a ṭha ngam.

DEUTERONOMI 27:8

Cun cu lung hna cungah cun hi nawlbia cu tliang tein nan ṭial lai,” tiah an ti.

DEUTERONOMI 31:19

Cucaah hi hla hi ṭial law, Israel mi kha cawnpiak hna; hi hla cu Israel mi hna kongah keimah ka biahngaltu a si nakhnga, an kaa chungah chia tuah.

DEUTERONOMI 31:22

Cucaah hi hla cu Moses nih cu ni ah cun a phuah i Israel mi kha a cawnpiak hna.

BIAPHUAN 14:13

Cun vancung in aw pakhat ka theih i, “Hihi ṭial tuah: Khrih zumh bu tein a thimi cu lunglawmmi an si,” a ti. Cun Thlarau nih, “A si hrimhrim lai. An rianṭuanmi nih khan a zulh hna lai i rian an ṭuannak cun an i din cang lai,” tiah a leh.

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.