HABAKKUK 2:18 - Lai (Hakha) Common Language Bible 2006

¹⁸ Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

HABAKKUK 2:18 ပူးပေါင်းရင်းမြစ်များ

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

ISAIAH 1:31

Thing ro cu meici nih a alhter bantukin miṭhawng hna cu amah tuahmi lila nih a hrawh hna lai i cu bantukin an rawhnak cu ahohmanh nih an kham kho lai lo.

ISAIAH 37:38

Ni khat cu a pathian Nisrok biakinn i pathian a biak lioah khan a fapa hna lak i pahnih Adrammelek le Sharezer nih an vainam in an thah i annih cu Ararat ram ah an zam. A dang a fapa pakhat Esarhaddon nih a chan i siangpahrang ah a cang.

ISAIAH 40:19

Zungthiam mi nih an sermi siasal bantuk a si lo, sui sermi nih sui an hut i ngun hram an sermi chung i an tohmi siasal bantuk hi a si lo.

ISAIAH 41:26

Nan chimmi kha ahmaan taktak tiah kan in ti khawh hna nak dingah, hitihin thil a um te lai tiah aho tal nih nan rak kan chim in, aho tal nih nan rak chim chung kho maw? Cu kong cu ahohmanh nih nan rak chim kho lo, nan chimmi ahohmanh nih an thei lo!

ISAIAH 42:17

Siasal aa bochanmi vialte le milem cu kan pathian a si tiah a timi vialte cu ningzak le hmaichia in an um lai,” a ti.

ISAIAH 44:12

Sosertu nih thir pakhat kha aa lak i mei ah a linh. A ṭhawngmi a kut in a den i mui ngei ah a ser. A rawl a ṭam, a ti a hal i a ba.

ISAIAH 45:16

Siasal a sertu cu an dihlak in ningzahnak an phan lai; an dihlak in mual an pho lai.

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

JEREMIAH 10:8

Annih cu an dihlak in mihrut an si i an nga fawn; An fimnak pakpalawng cu thingtum sinin an cawnmi a si.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 2:8

Tlangbawi hna nih khan, ‘Bawipa cu khuazei ah dah a um?’ an ti ti lo. Phungbia a tlaimi hna nih khan keimah kha an ka ruat lo; Ka mi tuukhal hna nih khan keimah cu an ka doh; Profet hna nih khan Baal min in bia an chim i Bawmh khawhnak zeihmanh a ngei lomi pathian kha an zulh hna.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

JEREMIAH 51:17

Mi vialte hi mihrut, hngalhnak ngei lo an si dih, Sui sertu vialte hna hi an siasal sermi hna nih hin zumhawktlak lo an siter dih hna. Zeicahtiah an milem sermi hna cu hlennak men an si i an chungah thaw a um lo.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

AMOS 2:4

Hihi Bawipa bia an si: Judah nih ṭhat lonak kha pakhat hnu pakhat in a tuah lengmang caah A cung i ka tlunter ding dantatnak kha ka let lai lo. Annih nih Bawipa phunglam kha zei ah an rel lo i A nawlbia kha an zul lo; An pupa hna nih an rak zulhmi pathian deu hna nih khan a pingah an hruai hna.

JONAH 2:8

Santlailo siasal a biami hna nih cun nangmah sin i zumhawktlak in um kha an ngol,

ZEKHARIAH 10:2

Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

1 KORIN 12:2

Nannih cu lawkihmi nan si lioah khan nunnak a ngei lomi siasal nih a rak in uk hna kha nan hngalh i cu siasal nih cun a ping ah an hruai zungzal hna.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIACEIHTU 17:4

Cun ngun tangka cu a nu kha a pek ṭhan hna. Ngun tangka hna chungin za hnih kha a lak i ngun soser kha a pek i soser nih cun milem ah a ser; milem cu thing in a ser i ngun in a tuam i Mikah innchung ah cun an chiah.

1 SAMUEL 12:21

cun pakpalawng thil, ṭhathnem zong an ṭhathnem kho hna lo i a khamh zong an khamh kho hna lomi thil hna kha, pialhnawh hna hlah u, zeitintiah pakpalawng an si.