HABAKKUK 2:17 - Lai (Hakha) Common Language Bible 2006

¹⁷ Lebanon tupi kha nan ṭhiam hna, atu cu nanmah zong ṭhiam na si ve lai. A chung saram kha nan thah hna, atu cu saram nih khan nan thin an in phanter hna lai; Lainawnnak nan tuahmi ruang le vawleicung mi hna le a khualipi hna cung i zaang-ennak nan tuahmi ruangah, hihi cu nan cungah a tlung lai.

HABAKKUK 2:17 ပူးပေါင်းရင်းမြစ်များ

SALM 137:8

Babilon, hrawh na si cang lai! Kan cung i na tuahmi ruangah, teirul an chamtu cu an i lawm lai,

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

PHUNGTHLÛKBIA 28:17

Mi thisen a chuahtu cu tlaihnak luatnak caah tikhor chung hmanh ah khan a zuang lai.

JEREMIAH 50:14

Li le thal a tlaimi vialte hna, Babilon cu a kulh in i tiang tuah u; Amah cu kap u, nan cantiang cu semrel hna hlah u,

JEREMIAH 50:28

Babilon in a luatmi saltang hna cu Zion ah an ra i Babilon mi hna nih Bawipa biakinn cung i an tuahmi thil ruangah Bawipa kan Pathian nih an cung i phuhlamnak a tuahmi kha an rung chim.

JEREMIAH 51:24

Cu bantukin Babilon le Khaldi mi hna cu Na mit hmuh i Zion cung i ṭhat lonak an tuahmi ruangah Teirul ka cham hna lai, tiah Bawipa nih a ti.

EZEKIEL 28:16

Na chawlehnak kha a ngan tuk cang i phung zulh duh lonak kha na lung chungah a khat i a pingah na kal, Cucaah ningzahnak in Pathian tlang cung khan kan ṭhumh i Nangmah cawngtu cherub nih khan an dawi i, Mei bantukin sen himhiam in a linmi lunglak khan an ṭhawl.

EZEKIEL 31:16

Khor chungah a vung kalmi hna he Sheol ah ka vun kalpi tikah khan, a tluk thawng ah miphun hna cu ka therter hna. Hi vawlei tang hmun hi Eden dum chung thingkung vialte hna le Lebanon thingkung a ṭha bikbik hna le ti nih ṭha tein a cawmmi thingkung hna nih hnangamnak an i laknak hmun a si.

JOEL 3:19

Sihmanhsehlaw Izipt ram cu thetse ram ah a cang lai i Edom ram cu chuahtakmi ram, ram pakpalawng ah a cang lai; Zeicahtiah Judah ram kha hranhram loin an rak tuk i A chungah a sual lomi thisen kha an rak chuah hna.

HABAKKUK 1:17

Cu bantuk cun mi nih vainam kha an i phawi zungzal ko i Zaangfahnak um loin miphun kha an sam lengmang ko hna.

HABAKKUK 2:8

Miphun tampi kha nan ramh hna. Asinain a tangmi nih khan an in ramh ve hna lai. Lainawnnak nan tuahmi le vawleicung mi hna le khualipi chungah ṭhat lonak nan tuahmi ruangah an in ramh hna lai.

ZEKHARIAH 11:1

Maw Lebanon, na sidar thing kha mei nih a kangh hna nakhnga na kutka kha hung tuah hna.