HABAKKUK 2:14 - Lai (Hakha) Common Language Bible 2006

¹⁴ Sihmanhsehlaw rili cu ti in a khah bantukin vawlei cu Bawipa hngalhnak le sunparnak in a khat lai.

HABAKKUK 2:14 ပူးပေါင်းရင်းမြစ်များ

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

SALM 72:19

A sunglawimi a min cu zungzal in thangṭhat ko u, a sunparnak cu vawleicung dihlak ah khat seh. Amen, Amen.

SALM 86:9

Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangṭhat lai,

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

ISAIAH 33:6

hi miphun cu a fehter lai. A mi kha a huhphenh zungzal hna i fimnak le hngalhnak kha a pek hna. Annih chawva a sung bik cu Bawipa an ṭihnak kha a si.

ISAIAH 40:5

Cun Bawipa sunparnak cu a lang lai i mi vialte nih an hmuh lai. Hi biakamnak cu Bawipa hrimhrim nih a tuahmi a si,” a ti.

ISAIAH 6:3

Pakhat le pakhat kha an i chawn i, “A thiang, a thiang, a thiang, Ralkapbu Bawipa cu a thiang! Vawlei cung vialte hi a sunparnak in a khat dih,” an ti.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

EZEKIEL 47:5

Dong thong khat a vun tah ṭhan i tilianpi ah a cang i ka tan kho ti lo, zeicahtiah ti cu a ṭhang tuk cang i a thuh leiah leuhnak tlak a simi a si cang; tan khawh lomi tilianpi ah a cang cang.

MIKAH 2:9

Ka mi hna nu hna cu an duh vemi an inn khan nan dawi hna i An fale hna cu ka thluachuahnak kha nan lakkanh hna.

HABAKKUK 2:15

Rawk ding nan si ko cang! Nan thinhun in nan innpa hna cu nan nautat hna i ningzah nan thlaih hna. Zuri sawn in nan sawnter hna.

HABAKKUK 3:3

Pathian cu Teman in a ra, Mi Thiang cu Paran Tlang in a ra; A ceunak kha van a khat i a sunparnak cu vawlei kha a khat.

ZEFANIAH 3:9

Khi tikah mi vialte kha hmur thiang ka pek hna lai i Bawipa min cu an auh lai i lungkhat tein a rian an ṭuan lai.

NAMBAR 14:21

sihmanhsehlaw biangai tein, keimah ka nun le vawlei cung vialte Bawipa sunparnak in a khah dih lai bantukin,

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.