HABAKKUK 2:1 - Lai (Hakha) Common Language Bible 2006

¹ Ralvennak innsang ah khan ka va dir lai i kulhnak vampang ah khan ka va um lai; Ka sinah zeidah a chim lai ti kha ka va hngak lai i, Ka phunzainak kongah khan ka sinah zeidah a chim lai i, Kei nih zeitindah ka leh lai ti kha hmuh awkah ka va cuan lai.

HABAKKUK 2:1 ပူးပေါင်းရင်းမြစ်များ

2 SAMUEL 18:24

Cun David cu chunglei kutka le lenglei kutka hna karlak ah khan a ṭhu i vampang pawng i a ummi kutka inncung ah khan ralvengtu kha a hung kai i khua a hei cuanh i a hei zoh tikah, mipa pakhat amah lawng in a ra tlik kha a hmuh.

2 SIANGPAHRANG 17:9

Cun Israel mi nih khan a thli tein a dik lomi thil kha Bawipa an Pathian cungah an tuah. An khua kip ah khan, ralvennak innsang thawk in kulhmi khua tiang, khuahrumbo kha an i ser.

2 SIANGPAHRANG 9:17

Jezreel khua innsang cung i a dirmi ralveng nih Jehu pawl an rat cu a hmuh thli hna i, “Mibu bu khat ka hmuh,” tiah a ti. Cun Joram nih, “Rangcung ralkap pakhat i lak law, anmah ton awkah hei thlah tuah, cun anih nih, ‘Daihnak a si maw?’ tiah va ti seh,” tiah a ti.

JOB 31:35

Keimah chanhtu dingah tehte pakhat lawngin i kawh ko ning. Lianngan Bik nih taza a ka cuainak cu chim ko seh. Sual a ka puhtu nih a ka puhnak bia kha ca in rak ṭial seh law cu, dai tein ka rak um hnga lo i inn chungah ka rak i benh ko hnga lo.

JOB 31:37

Ka rak umtuning vialte kha ka chim hnga i Cucu zung ah khan keimah chanhnak ding caah ka chim hnga.

SALM 5:3

Zinglei ah ka aw kha na ka theihpiak: nichuak kate ah na sinah thla ka cam tawn i na ka lehnak kha ka hngah tawn.

SALM 85:8

Bawipa Pathian i a chimmi bia cu ka ngai lai, hruh lam a simi lam, kan lam kha kan zulh ṭhan lo caah a mi kannih hi daihnak kha a kan kamh.

SALM 85:9

Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai.

ISAIAH 21:5

Langhnak ka hmuhmi ah cun, rawl danghnak nganpi an timh; sawmmi hna ṭhutnak ah puan kha an phah. An ei an ding. Cu lioah cun chikkhatte ah khin, “Bawi pawl, nan phaw i lak u,” ti thawng a hung thang.

ISAIAH 21:6

Cun Bawipa nih a ka thawh i, “Va kal law, ralvengtu pakhat in va chia, cun a hmuhmi paoh kha in chim seh.

ISAIAH 21:8

Ralvengtu nih cun, “Bawipa, ka ralvennak buk ah hin chun zan in ka dir ko,” tiah a au.

ISAIAH 62:6

Maw Jerusalem, na ralhau cungah ralvengtu ka chiah hna, chun nitlak zan khuadei an dai lai lo. Bawipa nih biakamnak ka tuakmi kha an ka theihter ṭhan lengmang lai i ka biakam cu philh hrimhrim loin an ka tuah lai.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

JEREMIAH 6:17

Cun ka thawh hna i, ‘Nan caah ralvengtu ka chiah hna lai, Muko aw thawng kha ngai u,’ ka ti hna. Sihmanhsehlaw annih nih an i thawh i, ‘Zei ah kan rel lai lo,’ an ti.

EZEKIEL 33:7

Mipa, nangmah cu Israel mi hna caah ralvengtu ah kan ser. Ka sinin bia kha na lak hna lai i annih sinah ralrinnak kha na pek hna lai.

MIKAH 7:7

Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai.

2 KORIN 13:3

Khrih nih biachimtu ah a hmang maw hmang lo hngalh kan duh, nan timi vialte kha nan hmuh lai. Khrih nih nan sin i rian a ṭuan tikah a derthawm lo, a ṭhawnnak tu kha nan lakah a langhter.

GALATI 1:16

a Fapa cu ka sin i a phuan tikah, ahohmanh ruahnak hal awkah ka fuh hna lo,