HABAKKUK 1:8 - Lai (Hakha) Common Language Bible 2006

⁸ An rangtum hna cu pawlai nakin an khul a rang deuh, Zan i a vakmi cenghngia nakin ṭih an nung deuh; An leng hnuktu rangtum hna nih khan heh tiah vawlei kha an huah i Langta nih sa a vun zuanhnawh vungmang bantuk khin lamhla piin an ra le.

HABAKKUK 1:8 ပူးပေါင်းရင်းမြစ်များ

JOB 9:26

Vokkuanglawng khulrang ngai bantukin an kal, Muvanlai nih a sa a vun zuanhnawh bantuk khin an khul a rang.

ISAIAH 11:14

Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh ṭi hna lai. Edom mi le Moab mi kha an tei hna lai i Ammon mi nih an nawl an zulh hna lai.

JEREMIAH 4:13

Zohhmanh, khuadawm bantukin ral cu hmaiah an fong, An rangleng hna cu phuchim bantuk an si; An rangtum hna cu muvanlai nakin an khul a rang deuh — Aize! Kannih cu kan lo cang ai!

JEREMIAH 48:40

Bawipa nih hi bangin a ti: Zohhmanh, muvanlai nih a thla aa samh i a vun zuanhnawh bantuk khin, Moab cu miphun pakhat nih a zuanhnawh lai.

JEREMIAH 5:6

Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

JEREMIAH 50:42

Li le vainam kha an i bei, Mipuar ngai, zaangfahnak ngei lomi an si. Rangtum kha an i cit hna i an thawng cu rili thawng bantuk a si; Annih cu nangmah doh awk i aa tiangmi an si, maw Babilon.

ṬAHNAK HLA 4:19

A kan dawitu hna cu van i langta hna nakkhin an khul a rang deuh; Tlang cungah kan sul khan heh tiah an kan zulh i Kannih kha tlaih awkah ramlak in an kan bawh.

EZEKIEL 17:12

“Ralthawh hmangmi hna kha, hi bianabia sullam hi nan hngal maw? tiah hal tuah hna. Babilon siangpahrang kha Jerusalem ah a ra i an siangpahrang le a bawi pawl kha Babilonia ah a kalpi hna tiah chim hna.

EZEKIEL 17:3

Hihi Bawipa Pathian bia cu a si: “Mupi nganpi, pakhat a hmul aa dawh ngaingai i, thla ngan pipi a ngei i a thla kaupi in a samhmi a rak um. Lebanon tlang ah khan a va zuang i Sidar kung a hluai kha a khiah i

EZEKIEL 26:11

Khua chung lam kha a rang ke in a naan dih hna lai i Na mi kha vainam in a thah hna lai i Na tung ṭhawngṭhawng kha vawlei ah an tlu lai.

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

NAHUM 2:5

An hruitu hna nih khan an ralṭhatnak kha an langhter, Nimtlau bantukin a kenkip ah a choi in an choi; Khulrang in vampang ah khan an hei tli i raltuknak phaw kha an va chon hna.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

MATTHAI 24:28

“Saruak umnak hmun ah langta an i pum tawn.”

LUKA 17:37

Amah cu a zultu nih cun, “Bawipa, khuazei ah dah?” tiah an hal i, “Saruak umnak ah langta an i pum tawn,” tiah a leh hna.

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,