HABAKKUK 1:5 - Lai (Hakha) Common Language Bible 2006

⁵ Nannih mihlenhmang mi hna, zohhmanh u: Mah hihi nan khuaruah an hartertu hna le nan lung an suhaitu hna cu a si lai, Nanmah nan chan chungah hin thil pakhat ka tuah lai i cu thil cu an in chimh hna hmanh ah nan zum kho lai lo.

HABAKKUK 1:5 ပူးပေါင်းရင်းမြစ်များ

ISAIAH 29:14

Cucaah cun a tlung lai tiah a ruah in an ruah hrimhrim lomi thil kha pakhat hnu pakhat in an cungah ka tlunter lai i cu nih cun a hlauh in an hlauh hna lai. An mifim cu mihrut ah an cang lai i an fimnak cu an caah zeihmanh ṭhathnemnak a ngei lai lo,” a ti.

ISAIAH 29:9

Va kal u law va hrut ṭhiamṭhiam ko rih u. Va kal u law mitcaw in va um ṭhiamṭhiam ko rih u. Zu din loin ri ko u. Dor khat hmanh din ṭung lo ah sawn lengmang in um ko u.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

ṬAHNAK HLA 4:12

Ral nih siseh, ral chimtu nih siseh Jerusalem kutka chungah an lut lai, ti hi ahohmanh nih an zum lo, Vawlei cung siangpahrang nih si hna seh, Vawlei cung i khua a sami paoh nih si hna seh an zum lo.

DANIEL 9:12

Kanmah kong ah siseh, a kan uktu hna kong ah siseh, na chimmi vialte kha na tlinter i kan cungah le Jerusalem khua cungah vawlei cung dihlak i a tlung tawnmi harnak vialte hna nakin a ngan deuhmi harnak kha na tlunter;

HABAKKUK 3:2

Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.

ZEFANIAH 1:2

Vawlei cung i a ummi thil vialte cu thiang tein ka phiah hna lai, tiah Bawipa nih a ti.

DEUTERONOMI 4:27

Cun Bawipa nih miphun hna lakah an ṭhek hna lai i Bawipa nih an dawi hna naklai miphun hna lakah tlawmte lawng nan taang lai.