HABAKKUK 1:4 - Lai (Hakha) Common Language Bible 2006

⁴ Cucaah nawlbia cu san a tlai ti lo i biading cu teitu a si kho ti lo; Miṭhalo nih khan miding mi cu an fimneh hna i cucaah biading cu merh lengmang a si ko cang.

HABAKKUK 1:4 ပူးပေါင်းရင်းမြစ်များ

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

JOB 21:7

Zeicahdah miṭhalo hi an chan a sau i an tar zongah an ngan a dam, an lian an ngan i an ṭhawn?

SALM 11:3

Thil aa nincan lo tikah hin miṭha nih an tuah khawhmi zeihmanh a um lo,” tiah na ka ti tikah hin zeitluk in dah na hruh.

SALM 119:126

Mi nih na phunglam kha an zulh duh ti lo caah atu caan hi na cawlcangh caan a si awk a hau.

SALM 22:12

Ka ral nih cawtum bantukin an ka kulh, Bashan ram cawtum ṭihnung pipi bantuk nih khan an ka kulh.

SALM 22:16

Miṭhalo bu nih an ka kulh, uico run bantukin an ka zuanhnawh; ka kut le ka ke ah an ka seh.

SALM 59:2

Miṭhalo hna kut chung hin ka khamh law lainawng hna kut chung hin ka chuah tuah.

SALM 59:4

Ṭhat lonak le sualnak ka tuah ruangah si loin ka sual ca le ka palh ca zongah si loin, Maw Bawipa, an ka bawhnak hmun ah khan khulrang in an va tli.

SALM 94:3

Miṭhalo pawl hi zei can dah an i lawmh lai? Zei can dah an i lawmh ko rih lai, Maw Bawipa.

EXODUS 23:2

Ṭhat lonak tuah ah an tam deuh ai pat tiin a tam deuh leiah khan va ṭang hlah, cun biaceihnak ah a tam deuh lawmhnak a si paoh ahcun tiin dinnak a khamtu tehte va si hlah.

EXODUS 23:6

“Nan lak i misifak pakhatkhat kha taza cuai a si ahcun, a bia kha ding tein ceihpiak ko u.

ISAIAH 5:20

Nan lo cang! Thil ṭha cu thil ṭhalo nan ti i thil ṭhalo cu thil ṭha nan ti. Khuamui kha khuaceu nan ti i khua ceu kha khua mui nan ti. A kha mi kha a thlum nan ti i a thlummi kha a kha nan ti.

ISAIAH 59:12

“Bawipa na cung i kan sualnak cu a tam ko. Kan sualnak nih sual a kan phawt ko. Kan sualnak cu kan i hngal ko.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

JEREMIAH 12:6

Na unau, nangmah innchungkhar chung mi hrimhrim hmanh nih an in rawi cang; Nangmah tuk awkah khan an i thawh cio. Na sinah bia ṭhaṭha an chim hmanh ah zum hna hlah,” tiah a ti.

JEREMIAH 26:8

Cun annih sinah na chim lai tiin Bawipa nih nawl a pekmi vialte kha a chim dih tikah, tlangbawi hna le profet hna le mi zapi nih khan an tlaih i, “Na thi lai,” tiah an hro.

JEREMIAH 8:7

Van i a zuangmi vaca nih khin amah a kai caan te kha a hngalh i Ṭhuro le laiphudit le langta hna nih anmahle an kir caan te kha an hngalh cio, Sihmanhsehlaw ka mi hna nih cun ka phunglam kha an hngal lo.

EZEKIEL 9:9

Cun a ka leh i, “Israel mi le Judah mi ṭhat lonak cu a ngan hringhran ko; ram cu lainawnnak in a khat i khuapi cu dinlonak in a khat. Hi ram hi Bawipa nih a hlawt cang tiah an ruah. Bawipa nih zeihmanh a hmu lo, tiah an ruah.

HOSEA 10:4

A chim lawng kha an chim lengmang, Sullam ngei loin chiat kha an ser i biakamnak kha an tuah i Pakhat le pakhat taza i cuainak kha sivai a ngeimi belh leileh rinkhuar ah an khoh bantukin an kho.

AMOS 5:12

Zeicahtiah nan ṭhat lonak kha zeitluk in dah a tam i Nan sualnak kha zeitluk in dah a tam ti cu ka hngalh ko. Nannih nih a sual lomi kha nan hrem hna i Tlanhnak man caah mi kha nan hren hna; Zeihmanh a ngei lomi cu biaceihnak zung khan nan ṭhawl hna.

AMOS 5:7

Biading kha a bingtalet in a thlai i, Dinnak kha vawlei ah a hril i,

MARKA 7:9

Cun Jesuh nih cun a thawh ṭhan hna i, “Nanmah cawnpiaknak tu kha fehter i Pathian nawlbia hlawt kha cu nan thiam ngai ko.

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

ROM 3:31

Cu ti kan ti tikah cun Nawlbia kha zumhnak in kan hlawt tinak a si maw? Si hrimhrim hlah, Nawlbia cu kan dirhṭhoh lehlam a si.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.