HABAKKUK 1:13 - Lai (Hakha) Common Language Bible 2006

¹³ Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

HABAKKUK 1:13 ပူးပေါင်းရင်းမြစ်များ

2 SAMUEL 4:11

Miding mi amah innte i a ummi, a ihkhun cung i a thattu miṭhalo hna chinchin cu, zeitluk tein dik nanmah kut ah a thisen man cu kan cawh hna lai i vawlei cungin kan hloh chinchin hna lai?” tiah a ti.

1 SIANGPAHRANG 2:32

Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

ESTHER 4:14

Zeicahtiah hi bantuk caan i dai tein na um ko ahcun, Judah mi hna caah hin himnak le luatnak cu hmun dang le ka dang in a chuak ṭhiamṭhiam ko lai, sihmanhsehlaw nangmah le na pa innchungkhar hna tu hi nan thi lai. Hi bantuk caan caah hin dahkaw pennak chung i na phak hi a hei si ko hnga, aho nih dah a hngalh?” tiah a ti.

JOB 15:15

Pathian nih a mithiang hna hmanh kha a zum hna lo i Van hna hmanh kha a hmaiah suallo an si lo ahcun,

JOB 21:7

Zeicahdah miṭhalo hi an chan a sau i an tar zongah an ngan a dam, an lian an ngan i an ṭhawn?

JOB 24:23

Pathian nih him tein khua a sakter ko hna, Sihmanhsehlaw ṭha tein a ngiat zungzal hna.

SALM 10:15

Miṭhalo le misual cu an ṭhawnnak kha hrawk hna law an ṭhat lonak ruangah khan tling khitkhet in dantat hna.

SALM 18:26

A thiangmi sinah na thiang i asinain miṭhalo cu na huat hna.

SALM 25:3

Nangmah an bochanmi cu an sung lo i, asinain nangmah doh ah a khul a rangmi cu sunghnak kha an phan.

SALM 35:17

Bawipa, zei can dah na zoh ko rih hna lai? An kut chungin ka chuah law hi chiandeih hna kut chung hin ka nunnak khamh ko.

SALM 35:22

Sihmanhsehlaw Bawipa, nangmah nih hihi cu na hmuh cangmi a si. Cucaah dai tein um hlah, Maw Bawipa; lamhlatpi ah um sawh hlah.

SALM 35:25

“A cungah tlung seh, ti kan duhmi te kha a cungah a tlung cang,” titer hna hlah. “Amah cu kan tei diam cang,” titer hna hlah.

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

SALM 50:3

Kan Pathian cu a ra lio, sihmanhsehlaw dai tein a rat cu a si lai lo, a alh hluahmahmi mei a hmaiah khan a um i ṭih a nungmi thlichia nih a zual.

SALM 73:3

zeicahtiah miṭhalo hna an huncho kha ka hmuh i an i porhlawt kha ka theih tikah cu nih cun ka nah a ka chuahter.

SALM 83:1

Maw Pathian, um sawhsawh ko hlah; dai zirziar le holh loin um hlah, maw Pathian!

ISAIAH 21:2

Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

ISAIAH 24:16

Vawlei cung a hlatnak bik ram i a ummi hna sinin a dingmi miphun, Israel miphun thangṭhatnak hla kha kan theih lai. Sihmanhsehlaw kei ka caah cun ruahchan awk a um lo. Ka der chin lengmang ko. Mirawihmang mi pawl kha mi rawi an hmang ṭhiamṭhiam ko i an mirawinak kha a chia chin lengmang a panh.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 64:12

Bawipa, hi thil nih hin na lung an hnorsuang hrim lo maw? Zeihmanh tuah loin maw na um ko lai kan celh lo tiangin na kan inter ko lai?

ṬAHNAK HLA 3:36

Zung chung i biading merh hna hi Bawipa nih a hnatlakpimi an si bal lo.

HABAKKUK 1:14

Nangmah nih minung cu rili chung i a ummi nga, rili chung i a ummi thilnung uktu a ngei lomi bantuk ah khin na ser hna.

ZEKHARIAH 8:17

Pakhat le pakhat cungah ṭhat lonak i tuah kha duh hlah u, lih in tehte khang hlah u, zeicahtiah hi vialte hi ka huatmi thil an si, ti hi Bawipa bia hrimhrim a si.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

DEUTERONOMI 23:15

“A bawipa sinin nan sinah a zammi sal cu a bawipa sinah nan pe ṭhan lai lo;