GENESIS 9:16 - Lai (Hakha) Common Language Bible 2006

¹⁶ Chuncha cu minmei chung i a hung langh tikah ka hmuh lai i nanmah le vawlei cung thilnung vialte sin i zungzal hmunmi biakamnak ka sermi kha ka hngalh ṭhan lai,” a ti.

GENESIS 9:16 ပူးပေါင်းရင်းမြစ်များ

GENESIS 17:13

Pakhat hmanh hrelh loin nan cuarpar cu tan nan si lai i cu nih cun nanmah sin i biakamnak ka sermi hi zungzal hmunmi biakamnak a si kha nan cungah hmelchunhnak in a langhter lai.

GENESIS 17:19

Sihmanhsehlaw Pathian nih, “Na palh; na nupi Sarah nih fapa an hrinpiak lai i a min ah Isak na sak lai. Amah le a tefa hna sinah khan ka biakamnak cu ka fehter lai. Cu ka biakamnak cu zungzal hmunmi biakamnak a si.

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

GENESIS 9:17

Pathian nih Noah cu a thawh i, “Hi hmelchunhnak hi vawleicung thilnung vialte hna sin i biakamnak ka tuahmi hmelchunhnak a si,” a ti.

2 SAMUEL 23:5

A si, ka innchungkhar cu cu bantukin Pathian hmaiah a dir lo maw? Zeitintiah keimah he zungzal hmunmi biakamnak kha a ser, Zeizong vialte kha ningcangte le fek tein a tuah. Zeitintiah keimah bawmhnak vialte le duhnak cu Tlinter loin maw a um hnga?

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

JEREMIAH 32:40

Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.

EZEKIEL 34:26

Ka tlang pawngah khan ka umter hna lai i a caan te ah ruah, thluachuahnak ruah kha ka pek hna lai.

EZEKIEL 37:26

Annih kha thluachuahnak pek awk caah anmah he biakamnak ka ser lai i cu biakamnak cu zungzal in an ta a si lai. Tam piin ka karhter hna lai i an lakah cun a zungzal in ka hmunthiang cu ka chiah lai.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.